Kateryna Bilokur

Kateryna Bilokur Катерина Бiлокур
Statue of Bilokur in Bohdanivka, Boryspil Raion, Kyiv Oblast
Kamundagan	December 7 [O.S. November 24] 1900 Bohdanivka, Poltava Governorate, Russian Empire
Kagadanan	9 Hunyo 1961(1961-06-09) (edad 60) Bohdanivka Yahotyn Raion, Kiev Oblast, Ukrainian SSR
Nasyunalidad	Ukrainian
Mga gawad	People's Artist of Ukraine

Si Kateryna Vasylivna Bilokur sarong Ukranyan na folk artist na pinanganki sa Poltalva Governorate An saiyang kamundagan dai madeterminar kun suarin alagad Disyembre 7 an sinasabing aldaw kan saiyang kapangakian. Dai man sya tulos nagin sikat, an saiyang mga gibo mas namidbid sa ikahuring nang parte kan 1930s asin man kan 1940s huli sa interes kaini sa kapalibutan. Pigngaranan man sya bilang People's Artist of Ukraine. Sinasabi man na nahiling daa ni Pablo Picaasso an saiyang gibo sa Paris asin ini nagkomento, "Kun igwa kita nin artista na nasa arog kaining lebel, an intirong kinaban sya an pag-uulayan.

Biograpiya

An saiyang kamundagan pigseselebrar kada Nobyembre 24 (Disyembre 7) kan 1900, asin sya pinangaki sa lugar na Bohdanivka.

Sa edad na 6 o 7, nakanuod na syang magbasa. An saiyang pamilya nagdesisyon na dai na sya paklasehon tangani na makatipid nin kwarta sa pagbakal sapatos asin mga bado. Aki pa sana sya tatau na syang mag guhit dawa ng ngani habo ini kan saiyang mga magurang. Pinadagos nya an saiyang pagkurit nin patago gamit an mga lumang trapo asin coal.

"Nag-ikit ako nin kapidasong tela hali sa sakong ina asin nagkua nin pidasong coal... Inot akong makurit sa balyong parte kan trapo, asin kun maugma ako sa kinaluwasan kaini, makurit pa ako sa balyong parte...Asin igwa nin sarong beses... Dai ako nagkurit kan bagay na nahiling ko na, alagad kan mga gamgam na yaun sana sa sakong isip... Naugma an sakong kalag sa kaya kong gibuhon! Hiniling ko an sakong kinurit, asin nagparangirit...Duman ako nadakop kan sakong mga magurang. "Bua ka na? Ano an saimong ginigibo? Ano an mangyayari pag nahiling kan ibang tawo an saimong gibo? Isay an demonyong maagom saimo makalihis kaini!..." Alagad dawa sain ako magduman, ano man an sakong gibuhon - Igwa ako nin imahen na gusto kong ikurit, nagsusunod ini sako... Kinakastigo ako kan Kapalibutan, maisog ini sako, sa pagtau kaini sako nin labi kagulping pagkamoot sa pagkurit, asin kuahon an tsansa na magibo an mga obra gamit an sakong mga talento!"

Makurit man sya nin mga dekorasyon para sa sarong lokal ng grupo sa drama, na inorganisar kan saindang kataning sa istaran asin harayo nang partidaryo na si Nikita Tonkonog. Dai mahaloy sya makakabali man sa entablado kan teatrong ini.

Sa tahaw kan 1922-1923, si Bilokur maaaraman an manungod sa Myrhorod professional school para sa seramiko. Nagpasiring sya sa Myrhorod dara an saiyang duwang obra: sarong kopya nin pinta asin kurit kan harong kan saiyang lolohun, pareho ining yaun sa papel na tuyo nyang binakal para sa okasyon na ini. Alagad dai sya pinalad na makalaog sa propesyonal na eskwelahan huli ta dai sya nin mga dokumento na mapatotoong sya nagtapos nin pitong taon sa sarong lokal na eskwelahan, kaya sya nagbaklay pauli.

Alagad padagos an saiyang kamuyahan sa pagkurit. Dangan, nag-atender sya nin klase sa drama na inorganisar kan duwang paratukdo na mag-agom, an mga Kalita

An saiyang mga magurang nagtugot na sya magbali sa mga pasali, sa kondisyon na an saiyang pag-arte dai makakaabala sa mga gibuhon nya sa harong. Kan 1928, naaraman ni Bilokur an manungod sa Kyiv Theatrical professional school asin sya nagpulbar na mag-adal duman. Alagad pareho sana an nagin resulta; dai sya inako sa parehong rason.

Kan autumn kan 1934, nagpulbar sya na kuahon an sadiri nyang buhay sa paagi nin pagpapalamos sa salog kan Chumgak, asin an saiyang bitis nagsapo nin mga lugad huli sa lipot. Pakalihis kan saiyang pagpulbar na magpagadan, nagtugot na an saiyang ama na sya magpadagos sa pagkurit.