Khorkhog
An Korkhog sarong putaheng barbecue sa lutong Mongolyano. An Korkhog ginigibo sa paagi nin pagluto sa karne sa sarong kâganan na igwang maiinit na gapo asin tubig, asin ini parati man na piggagatungan man sa luwas.[1][2]
Paghimo[baguhon | baguhon an source]
Sa paggibo nin khorkhog, an mga Mongol nagkukua nin kordero (an karneng kanding puwedeng isalida) asin pinipiridaso ini nin angay na sokol mantang binabayaan na nakatakod an mga tulang. An paraluto nabugtak nin sampulo abot duwang polong gapo na kurokamoo kadakula sa ibabaw nin kalayo. Kun mainit nang maray an mga gapo, ikinakaag an mga gapo asin karne sa piling lalagan. An batbat na kaagan gatas sarong tradisyonal asin tipikal na pigpipili, dawa ngani an anoman na kâganan na matibay magkarga kan mainit na gapo igo na.
An init kan mga gapo asin alusuos iyo an maluto kan karne sa laog kan kaagan. An paraluto pwede man na ilaag an kaagan sa kalayo o kalan kun bakong mainit na maray an mga gapo. An mga gapo magigin itom sa init asin kan taba na nagsumok hale sa kordero. An kaagan natatakopan mantang naghihinanyog asin napaparong an paraluto kan pagkakan tanganing maaraman kun andam na. An mga gapo puedeng umabot nin saro may kabangang oras tanganing maluto na maray an karne. Kun haon na an putahe, an paraluto matulod kan karne kaiba an mainit na mga gapo, na ipinapasa mano-mano asin sinasabing may kapakipakinabang na kakayahan.[3] An mga parakakan parateng nagkakaramot pag nagkakakan nin khorkhog, minsan ngani an mga kutsilyo puedeng gamiton sa pagtakras kan karne sa tolang.
Sinasarabing medyo moderno an putahe, ika-20 siglo na imbensyon, nagpuon kan panahon nin presensia militar kan Unyon Sobyet sa Mongolia, kan nagpoon an mga Mongolyano na lutoan an mga tapok na water jug kan Red Army. Garo ini boodog, sarong mas gurang nang putaheng Mongolyano na ginigibo sa mga mainit na gapo kun saen pigluluto an karne sa laog nin kublit nin hayop.[4] An korkhog sarong popular na putahe sa kakanon Mongolyano, alagad an kadaklan dai iyan pinagseserbi sa mga restawran.[5]
Hilngon pa[baguhon | baguhon an source]
Reperensya[baguhon | baguhon an source]
- ↑ Thrift, Eric (2001). The cultural heritage of Mongolia. Naranbulag printing.
- ↑ Sanders, Alan J.K.; J. Bat-Ireedui (1995). Mongolian phrasebook. Lonely Planet. p. 99. ISBN 978-0-86442-308-5. Retrieved 11 December 2010.
- ↑ "Khorkhog - Meat cooked with hot stones - Mongolian Recipes". www.mongolfood.info.
- ↑ The Real Mongolian Barbecue, Luke Tsai, KQED San Francisco
- ↑ "savourasia.com - savourasia Resources and Information". www.savourasia.com. Archived from the original on Apr 22, 2008. Unknown parameter
|url-status=ignored (help)
Panluwas na mga takod[baguhon | baguhon an source]
Plantilya:Siberia-lutoon-stub Plantilya:Mongolia-lutoon-stub