Kinalas

An kinalas iyo an bersyon kan "mami" sa Bikol, pinaghalong pansit na may mainit na sabaw asin kinalas na laman asin hutok kan baka, pinasiram pa ini kan sikretong sarsa na inihahalo sa pansit. Ini masiram asin paboritong kakanon kan mga Bikolano. Segun sa popular na kultura, mas masiram daa ining kakanon kun may halong sili asin kapadis ang chicharon o kaya an masiram na turon na gibo sa batag na saba asin pinatusan ning lumpia wrapper. An kinalas bisto man o bantog sa saro sa mga pampa-uli o pampahingaw kan mga Pilipino nin huli ta sa init kan sabaw ka ini. Masulong man ini sa panahon nin tag-lipot na dinadayo asin hinahanap-hanap man kan mga tawo sain man sa Pilipinas.

Ika-17 daa an kinalas sa 100 na pinaka-daindatang pagkakan sa kinaban susog sa online food guide na Taste Atlas.^[1]

Pinaghalian kan tataramon

An kinalas hali sa katagang "kalas" na boot sabihon iyo an pagkaros o pagtangkas kan karne sa pagkadukot kaini sa tu'lang. Orog na, ini an akto kan pagtangkas kan laman na hali sa payo kan orig o baka, kabali naman an hutok. Kaya inapod ining kinalas.^[2]

An sikretong sarsa

An sarsa kan kinalas kargado nin timpladong hutok kan baka o orig. Ini an nagtatao nin kasiraman sa timpla kan kinalas.

Mga masisiram na kinalasan sa Naga

Lakop sa Siyudad nin Naga an mga kinalasan, alagad ini daa nagpoon sa Brgy. Dayangdang ^[3]. Dakul naman nin mga pwestong kinalasan sa ibang lugar sa ronang Bicol alagad sa luwas kan rona haros mayong makuang kinalasan. Saro na igdi ang kinalasan na inaapod na "Cha Kamot" kung sain dinadayo ini kan manlain lain na bisita na naghahali sa ibang lugar.

Kinalas inapod na 'worst food'

An Taste Atlas, sarong online na publikasyon na nagkokomento sa mga lokal na pagkakan sa kinaban, pigranggo an 'kinalas' na saro daa sa 'worst food' kan kinaban.^[4]

Toltolan

↑ Filipino spaghetti, hotsilog, kinalas, balut in Taste Atlas list of ‘worst rated foods in the world’ Manila Bulletin
↑ Hinglas calas, discarnar los huesos. Vocabulario de la Lengua Bicol. pahina 31. Kinua 8-4-16.
↑ Kinalas is comfort food brain Langyaw.com Kinua 8-4-16
↑ https://www.gmanetwork.com/news/lifestyle/food/920638/sinigang-inasal-na-manok-among-best-filipino-food-balut-named-as-worst-by-tasteatlas/story/. Kinua 2024-09-16.

Sarong tamboan an artikulong ini sa Pagkakan. Makakatabang ka sa Bikol Wikipedia sa pagpoon kaining pahina.

[1] Filipino spaghetti, hotsilog, kinalas, balut in Taste Atlas list of ‘worst rated foods in the world’ Manila Bulletin

[2] Hinglas calas, discarnar los huesos. Vocabulario de la Lengua Bicol. pahina 31. Kinua 8-4-16.

[3] Kinalas is comfort food brain Langyaw.com Kinua 8-4-16

[4] ttps://www.gmanetwork.com/news/lifestyle/food/920638/sinigang-inasal-na-manok-among-best-filipino-food-balut-named-as-worst-by-tasteatlas/story/. Kinua 2024-09-16.

[1]

[2]

[3]

[4]