Kintab Artists Group
An Kintab Artists Group Inc. sarong non-stock non-profit na organisasyon nin mga pintor, iskultor, musikero, parasurat asin iba pang artista biswal. Pinapadalagan kaini an Pagkarahay Art Festival na pinunan kan 2018 sa Pili, Camarines Sur. Myembro digdi si Richard Cruz, na iyo an presenteng pamayo; Harold Gomez, presenteng tagapamayo kan Board; Vladimir Grutas, bise presidente; Maricris Fragata-Gomez, kahilom; Mary Anne Querubin, tagapangataman-yaman; Edgar Baesa, tagasiyasat; Niño Apostol, tagapabalangibog; Roy Ruadil, Eleno de Dios III, Ray Ubaldo, Carissa Salceda, asin iba pa. Katuyohan kan grupo na igantad an kultura, tradisyon, arte, asin literatura kan rehiyon Bikol.
Ginibo an Kurit Aki Art Exhibit poon Enero 20 sagkod 27, 2019 sa Syudad nin Naga, kun sain nahiling an mga obra kan kaakian na tinukdokan kan grupo. Pinartisiparan ini nin kaakian na nagtapos sa sarong worksyap na inorganisar kan Mariner's Polytechnic Colleges Foundation, Tabang Bikol Movement asin Kintab Artists Group.[1]
Hilnga man
[baguhon | baguhon an source]Toltolan
[baguhon | baguhon an source]- ↑ Kurit Aki Art Exhibit Bicolmail (pighugot 2023-2-14)
