Kobe Bryant

Gikan sa Bikol Sentral na Wikipedia, an talingkas na ensiklopedya
Si Bryant lkan Los Angeles Lakers (2015)

Si Kobe Bean Bryant (/ˈkb/; Agosto 23, 1978 – Enero 26, 2020) sarong Amerikanong propesyonal na basketbolista. Bilang shooting guard, si Bryant kinawat an enterong 20-season kan saiyang karera sa National Basketball Association (NBA) na kaapil sa team Los Angeles Lakers. Siya naglaog sa NBA direktang high school asin ginana an limang kampeonatong NBA. Si Bryant nagin 18-beses na All-Star, 15-beses na myembro kan All-NBA Team, 12-beses na myembro kan All-Defensive Team, asin iyo an binansagan na NBA Most Valuable Player (MVP) kan taon 2008,[1][2][3][4] Siya an nangengenot na gayo sa pataasan sa iskor susog sa rekord kan NBA durante kan duwang season, asin ika-apat sa all-time regular season scoring na lista asin siring man ika-apat sa ranggo sa all-time postseason scoring na listahan. Si Bryant iyo an pinakaenot na guard sa historya nin NBA na nagkawat sikyera dai nagbaba sa 20 season. Susog sa Forbes, si Bryant may net worth na tinatantya naabot sa $350 million sa taon na 2016.[5]

Mga enot na panahon[baguhon | baguhon an source]

Si Bryant aki kan dating parakawat sa NBA na si Joe Bryant. Siya nagklase sa Lower Merion High School kan Pennsylvania, kun saen siya binisto na iyo na an pinakamahusay na parakawat basketbol sa bilog na nasyon. Pagkagraduar, siya tolos nag'apil asin naglaog sa 1996 NBA draft asin napili sa Charlotte Hornets na may ranggong ika-13, dangan siya ipinasa sa Lakers. Bilang rookie, si Bryant nakua an reputasyon komo halangkaw maglumpat asin paborito kan mga taga-hanga na iyo an makakasikwit sa 1997 Slam Dunk Contest, asin siya natawan titulo bilang All-Star kan siya nakaabot na sa ika-2ng season. Maski may dingkilan sa ibahan ni Kobe asin Shaq, si Bryant asin si Shaquille O'Neal nadara an Lakers sa tolong sunod-sunod na kampeonatong NBA, poon 2000 sundo 2002.

Pagkagadan[baguhon | baguhon an source]

Si Bryant, kaiba an walo pang pasahero na kun saen yaon an 13-anyos niyang aking babae si Gianna, nagadan kan an linulunadan nindang helicopter nagbagsak sa gilid kan pamitisan kan bukid Calabasas, mga 30 milyang rayo sa sentro kan Los Angeles. Sinasabing nasakitan mag'maniobra an piloto huli sa mahibog na alopoop asin nawaran direksyon. An pagbagsak kan helicopter nagkawsa padagos nin karaba sa palibot kan nabagsakan. [6][7] An pag'iriba ninda Bryant kuta pasiring sa karawat basketbol duman sa Bryant's Mamba Academy sa Thousand Oaks.[8]


Toltolan[baguhon | baguhon an source]

  1. Lynch, Andrew (October 20, 2017). "Ranking the 25 greatest players in NBA history". FOX Sports. Retrieved October 7, 2017. 
  2. Moonves, Leslie (February 17, 2017). "50 greatest NBA players of all time". CBS Sports. Retrieved October 7, 2017. 
  3. Rasmussen, Bill (March 3, 2016). "All-Time #NBArank: Counting down the greatest players ever". ESPN. Retrieved October 7, 2017. 
  4. McCallum, Jack (February 8, 2016). "SI's 50 greatest players in NBA history". Sports Illustrated. Retrieved October 7, 2017. 
  5. "Kobe Bryant". Forbes. 2016. Retrieved January 27, 2020. 
  6. Winton, Richard; Woike, Dan (January 26, 2020). "Kobe Bryant is killed in helicopter crash in Calabasas". Los Angeles Times. Retrieved January 26, 2020. [permanent dead link]
  7. "Source: Kobe among dead in helicopter crash". ESPN.com. January 26, 2020. https://www.espn.com/nba/story/_/id/28569438/kobe-bryant-dead-helicopter-crash. 
  8. [https://www.businessinsider.com/kobe-bryant-death-map-shows-flight-path-before-fatal-crash-2020-1