Kontaminasyon sa daga

Excavation showing soil contamination at a disused gasworks in England.

An kontaminasyon sa daga o polusyon sa daga bilang kabtang nin pagkaraot nin daga bunga kan presensya nin xenobiotiko (gibong-tawo) na mga kemikal o iba pang pagliliwat sa natural na natural na kapalibutan kan daga. Iyan tipikal na kawsa nin industriyal na aktibidad, agrikultural na kemikal o salang pag-apon nin basura. An pinakakomun na kemikal na imbwelto iyo an petrolium hydrocarbons, polynuclear aromatic hydrocarbons (naphthalene and benzo(a)pyrene), mga solvent, mga pestisidyo, lead asin iba pang heavy metals. An kontaminasyon igwang koneksyon sa langkaw nin industriyalisasyon asin intensidad nin kemikal na substansya. An paghadit manungod sa kontaminasyon sa daga panginot na minagikan sa mga peligro sa salud, na gikan direktang pagduta sa maating daga, sa alisngaw hali sa mga ati, o sa sekundaryong kontak sa mga suplay nin tubig sa laog asin sa irarom kan daga. An pagmapa sa mga lugar na igwang kontaminadong daga asin an ibinungang mga paglinig makonsumo sa panahon asin magastos, asin nagkakaipo nin expertise sa heolohiya, haydrolohiya, kimika, computer modeling, asin GIS sa Environmental Contamination, siring man pagkaaram sa kasaysayan industriyal na kimika.

Sa Norteng Amerika asin Sulnopan na Europa aram na gayo an hiwas kan kontaminadong daga, huling dakol na nasyon sa mga lugar na ini an may legal na framework sa pagbisto asin pagresolber sa problemang ini sa kapalibutan. An nag-uuswag na mga nasyon may tendensyang bakong gayong estrikto sa pagregularisa dawa na ngani an nagkapira sa sainda na nag-agi nin dakulang industriyalisasyon.