Kugita

Octupos na kumon, Octupos vulgaris

Sarong kumon na kugita (Octopus vulgaris) naghihiro. An saiyang sistema niyerbos tinutugotan an mga guramoy kani na maghiro-hiro na magsadiri

iskematikong diagrama kan kugita kun saen pinapahiling mga parte kaini

Video of Octopus cyanea naghihiro asin nagsosorosangle an kolor asin hitsura

An kugita sarong mollusk na may malumoy, hanak-hanak na hawak asin may walong guramoy. An mga ini napipisan sa order Octopoda. May 300 na species an nabibisto kaini asin nagrugrupo sa klase Cephalopoda kairiba an mga pusit, cuttlefish asin nautiloid. An malomhok na hawak niya madaling maghira an porma mala ta nakakaulsit sa mga piriot na piwang. Kun sinda nalangoy, an saindang walong guramoy taranos nasa hurihan, nangengenot an payo. Igwa sindang kupsitan na ginagamit sa paghangos asin pag'isog paagi nin pagtopga nin tubig. An mga kugita may kumplikadong sistema nerbyos asin marigmat na gayong pagmaan. Saro daa ini sa pinakamadunong asin alistong maghiro na hayop sa dagat.

An mga kugita nakukua sa iba-ibang rona kan dagat, sa kararoman, sa libtong na parte o sa mga coral reef. Dakul na species kaini marikas magtalubo, nagurang tolos asin amay nagagadan. Sa pagmamaro', an lalake nagamit nin sarong guramoy na hinahatod an mga esperma niya sa laog mismo kan ikinabuhay kan babae. An babae sinasaray na an fertilisadong mga sugok sa tagoan asin binabantayan sagkod na maghirimsa, dangan nagagadan naman siya. Sa pagligtas kan saiyang buhay dakul an estratehiya kaini arog kan pagpakupsit nin maitom na tinta ngane dai siya mahiling, pagtago sa mga dai-risang paiplian, pagpahiling nin patilalaban, asin sa pagdulag ninda nin sobrang marikason na garo nasumpit sana. Gabos na kugita may kamandag alagad marara para sa tawo iyo idtong inapod na blue-ringed na oktupos.

Lawig kan buhay

Halipot an buhay kan mga kugita. Ibang speciea nabubuhay sanang mga anom na bulan. totoo an higanteng Pacific octupos, saro sa darakulang species, nabubuhay nin limang taon. An mga kugita kaya nalilimitaran an saindang buhay kan saindang reproduksyon, an mga lalake nabubuhay sagkod sana pirang bulan pakatapos nagmamaro' asin ta an babaed pakalihis sanang pakahimsa' kan mga sugok kaini. An reprodukdibong glandula kaini napoon pagtalubo huli sa impluensya hormonal alagad naresulta sa pagpundo pagtrabaho kan aparato dihestibo na padagos logod nagagadan an kugita sa pagkarutos.

Galeriya

• 
• 
• 
• 
•