Kunti

Gikan sa Bikol Sentral na Wikipedia, an talingkas na ensiklopedya
Sarong huring ika-17ng siglo na painting ni Pandu asin Kunti gikan sa Kashmir

Si Kunti (Sanskrito: कुन्ती, IAST: Kuntī), pinangaranan kadtong pinangaki bilang Pritha (Sanskrit: पृथा, IAST: Pṛthā), saro sa mga pangenot na babaeng protagonista kan epikong Mahabharata.

Bantog siya bilang ina kan mga Pandava asin Karna, an mayor na mga protagonista kan epiko. Nasambit man siya sa Bhagavata Purana nin huli sa saiyang koneksyon ki Krishna, an mayor na pigura kan teksto. Ilinaladawan siya na magayon, intelihente, asin alisto an isip.[1] Nasambit man siya sa ikaduwang kanto kan Devi-Bhagavata Purana.

Namundag ki hepe kan Yadava na si Shurasena, si Pritha inampon kan saiyang daing aki na amaon, si Kuntibhoja, asin nginaranan na Kunti. Durante kan saiyang mga taon nin pagkatinedyer, naghanga siya sa madonong na si Durvasa asin binunyagan nin kaaraman dapit sa sarong mantra na gikan sa dios. Huli sa pag - usyoso, ginamit niya an mantra tanganing arangon si Surya, asin biniyayaan nin sarong aking lalaki na an ngaran Karna. Mantang siya namundag na bakong kasal an saiyang magurang, kinaipuhan siayng bayaan ni Kunti tanganing iligtas an saiyang sadiri sa disonra.

Kan makaabot na sa pagkaadulto, pinili niya si Pandu, an hadi kan Kuru, bilang agom niya, alagad napurisaw siya kan si Madri, prinsesa kan Madra, nagin ikaduwang agom ni Pandu. Sarong aldaw, sinumpa si Pandu kan mahingagdanon nang saga na si Kindama na siya magagadan tulos kun pagmamaigutan niya an siisay man na magkapot sa saiyang agom na may sekswal na motibo. Pano nin pagbasol, binayaan niya an saiyang kahadean asin pinili niyang magretiro sa kadlagan kaiba an saiyang duwang agom, na iwinalat si Hastinapura sa Dhritarashtra. Si Kunti, sa kahagadan kan saiyang agom, ginamit an saiyang mantra asin biniyayaan nin tolong aki - si Yudhishthira, Bhima, asin Arjuna. Kan huri, ihiniras niya an saiyang mantra ki Madri, na binendisyonan ni Nakula asin Sahadeva. Nagadan an agom niya pakatapos magpurbar na makipag-kitoan ki Madri asin sa huri, kaya ki Kunti inadaptar an saiyang mga stepsons asin dinara an saiyang mga aki sa Hastinapura, an kabisera kan Kuru. Si Kunti asin an saiyang kapwa-agom na si Madri iyo an pinagkokonsiderang inkarnasyon ni Siddhi asin Dhriti.

Kaiba kan mga Pandava, si Kunti nakaligtas sa Lakshagriha asin durante kan saindang tagoan, pinagbotan niya si Bhima na magpakasal ki Hidimbi, sarong Rakshasi. Huli sa dai pagkasinabotan ni Kunti, si Draupadi, prinsesa nin Panchala, ikinasal sa sarong pag-inaragoman na polyandry (babae na may dakul na agom) kasaro kan limang Pandava. Pagkatapos na maestablisar si Indraprastha, si Kunti nagdanay sa Hastinapura asin nagkaigwa nin mainit na relasyon sa saiyang tugang na babae, si Gandhari. Bago an Gerang Kurikshetra, si Kunti nanagboan si Karna asin nakiolay sa saiya na umiba sa lado kan Pandava na bayaan an saiyang tunay na mana, alagad huli sa saiyang pagsayuma, nakombensir siya na iligtas an gabos niyang aking lalaki, apwera ki Arjuna. Pakatapos na si Yudhishthira magin emperador kan Kurus, siya nagretiro sa kadlagan asin kan huri nagadan.

Sa tradisyon na Hindu, siya inoomaw bilang saro sa panchakanya ("limang daraga"), architepiko nin babaeng kabinian na an mga pangaran tinutubod na nakahahale nin kasalan kapag sinambit. Siya inoomaw bilang embodimyento nin sarong maygurang, natanaw sa isip, asin sarong babaeng dutiful.

Toltolan[baguhon | baguhon an source]

  1. A classical dictionary of Hindu mythology and religion, geography, history, and literature by Dowson, John (1820-1881)