Kyrylo Budanov

Gikan sa Bikol Sentral na Wikipedia, an talingkas na ensiklopedya
Kyrylo Budanov
Budanov kan 2020
Chief of the
Main Directorate of Intelligence of Ukraine
Inkumbent
Pagtukaw sa pwesto
5 Agosto 2020
Suminunod ki Vasyl Burba
Personal na mga detalye
Kamundagan (1986-01-04) 4 Enero 1986 (edad 38)
Kyiv, Ukrainian SSR, Soviet Union
Agom Marianna Budanova
Alma mater Odesa Military Academy
Military service
Allegiance  Ukraine
Serbisyo/sangay  Armed Forces of Ukraine
Ranggo Major general
Commands Main Directorate of Intelligence
Battles/wars Rusong-Ukranyanong Gera

Si Kyrylo Oleksiyovych Budanov (Ukrainian: Кирило Олексійович Буданов; na 4 January 1986) sarong lider militar na Ukranyano na iyo an hepe kan Main Directorate nin Intelligence sa Ministriya nin Depensa nin Ukranya poon pa kan Agosto 2020.[1] Si Budanov dati nagsirbe bilang Deputy Director kan saro sa Departamento nin Foreign Intelligence Service nin Ukranya. Siya may ranggong major general.[2]

Biograpiya[baguhon | baguhon an source]

Si Budanov namundag sa Kyiv kan Enero 4, 1986. Naggradwar siya sa Odesa Institute of the Ground Forces (2007), asin dangan kaini siya nagsirbe sa special forces kan Main Intelligence Directorate sa Ministriya nin Depensa nin Ukranya.[3]

Kan 2014, siya nagtapsok pirang beses sa Ruso-Ukranyanong Gera asin pirang beses nalugadan. Kan 2018–2020, siya nagbali sa inapod na 'special military operations', bagay na dai ipahayag an kasibotan kaini.[3]

Kan 4 Abril 2019, an Chevrolet Evanda na awto ni Budanov pigtanoman bomba nin sarong Ruso na naisihan iyo si "Alexei Lomaka" susog sa darang mga dokumento; alagad an bomba puminutok amay sa oras. An Ruso asin grupo niyang magsasabotahe dinarakop asin pigdetenir.[4][5]

Kan 2020, siya nagin Deputy Director kan saro sa Departamento kan Foreign Intelligence Service nin Ukranya.

Kan Agosto 5, 2020, si Presidente kan Ukranya na si Volodymyr Zelensky pignombrahan si Budanov pamayo kan Main Intelligence Directorate kan Ministriya nin Depensa.

Kan Marso 11, 2022 siya nagin chairman kan Coordinating Headquarters para sa Pagtrato kan mga Preso sa Gera.[6]

Kan Septyembre 2022, si Budanov nagbali sa pinadakulang ribayan-preso'ng operasyon sa pagt'ultan nin Ukranya asin Pederasyon nin Rusya, kun saen 215 na Ukranyanong mga manlulusad, kaiba diyan an 100 na mga mangggugubat asin mga kumander nin Azov Regiment.[3]

Kan Pebrero 2023, an Servant of the People parlamentaryong grupo, si Davyd Arakhamia, nagtaram na si Oleksii Reznikov sasanglean ni Budanov bilang ministro nin depensa, alagad ini dai nangyari.[7][8]

Kan 21 Abril 2023, sarong Korte sa Mosku nagpaluwas nin mandamyento de aresto laban ki Kyrylo Budanov huli sa Pagpabuag kan Tulay nin Crimea. Siya nagsimbag na “Sarong kaogmahan sako ini, nagpapatotoo sana na an trabaho ko yaon sa tamang direksyon asin mas maigot ako ngapit asin sa mas toltol na paagi ngani masabi tunay an sinasabi kan Korte nin Mosku."[9]

Toltolan[baguhon | baguhon an source]

  1. ↑ Указ Президента України № 308/2020 «Про призначення К.Буданова начальником Головного управління розвідки Міністерства оборони України», Президент України, 5 серпня 2020
  2. ↑ Указ Президента України № 207/2022 «Про присвоєння військового звання генерал-майора бригадному генералу БУДАНОВУ Кирилу Олексійовичу», Президент України, 3 квітня 2022
  3. ↑ 3.0 3.1 3.2 "Взвод № 1. НВ називає 25 найвпливовіших українських військових". nv.ua. Retrieved 2023-01-17. 
  4. ↑ Воєнна розвідка України отримала нового очільника, Defense Express, 6 серпня 2020
  5. ↑ "Крим, Донбас, гібридні війни, дезінформація: новий начальник ГУР назвав завдання на посаді". Новинарня (in Ukrainian). 2020-08-10. Retrieved 2020-08-11. 
  6. ↑ "ShieldSquare Captcha". www.kmu.gov.ua (in English). Retrieved 2023-02-05. 
  7. ↑ "Ukraine's defence minister to be moved from post, says Zelenskiy ally". The Guardian. 5 February 2023. 
  8. ↑ "Factbox: Who is Kyrylo Budanov, Ukraine's potential next defence minister?". Reuters. 6 February 2023. 
  9. ↑ HOWARD ALTMAN (21 April 2023). "Ukraine Intel Chief Says Russian Arrest Threat Is "A Pleasure For Me"". The Drive. Archived from the original on 5 July 2023. Retrieved 22 April 2023. 
Kinua sa "https://bcl.wikipedia.org/w/index.php?title=Kyrylo_Budanov&oldid=274418"