Labubu
An Labubu iyo an sarong elf character plush toy na igwa nin makaugma alagad maisog na lalawgon. Natatampok diyan an matalimon, dakulang mata, barbon na hawak, mapanas na talinga,[1] asin sarong set nin matarom na ngipon na minaporma nin pilyong ngirit.[2][3]
Uusipon
[baguhon | baguhon an source]An Labubu iyo an sarong karakter na dinisenyo ni Kasing Lung, sarong artista na namundag sa Hong Kong asin nagdakula sa Netherlands. Tinugdas ni Lung an serye nin istorya na The Monsters, na impluwensyado kan Nordic folklore[3] asin mitolohiya na na-enjoy niya durante kan saiyang pagkaaki.[4] An tribong ini kabali sinda Zimomo, Tycoco, Spooky, Pato asin si Labubu.[5][6] Susog sa CNA Lifestyle (2024), enot na ginurit ni Lung an saiyang desenyo gamit an panurat. An saiyang pagkamoot sa fairy tales sa huri naggiya sa saiyang tanganing ipinta an Labubu asin an mga katood kaiyan.[2]
Enot na pinamidbid an Labubu kaidtong 2015[4] alagad nagganar nin lakop na pagmidbid kaidtong 2019 sinundan kan kolaborasyon sa Pop Mart.[5][6] An partnership puminakol sa kasikatan kan Labubu sa gabos na mga kolektor. An munyikang Labubu prinodusir sa manlaenlaen na kolor, korte, asin sukol, poon sa plush toys pasiring sa vinyl figures.[2]
Nagganar an kawatan nin lakop na atensyon kaidtong Abril 2024 pagkatapos na an Blackpink na si Lisa nahiling na igwa kaiyan,[5] both as a plush toy[7] asin bilang sarong keychain sa saiyang bag. Iyo iyan an poon kan trend na marikas na nag-ambag sa saiyang pagtalubo sa pagmidbid sa Thailand asin iba pang kabtang kan Habagatan-subangan na Asya.[2]
An interim report kan Pop Mart kaidtong 2024, pinaluwas kaidtong Agosto 20, nagsabi na an "The Monsters" buminenta nin 6.3 bilyon na Chinese yuan (haros $87 milyon) sa enot na kabanga kan taon.[1]
Toltolan
[baguhon | baguhon an source]- ↑ 1.0 1.1 Bharade, Aditi; Liam, Erin (2024-11-15). "A fluffy, $85 toy is taking Asia by storm and sparking legions of knockoffs. Inside the meteoric rise of Labubu". Business Insider (in English). Retrieved 2024-11-19.
- ↑ 2.0 2.1 2.2 2.3 Tabiolo, Jewil Anne M. (2024-10-19). "All You Need to Know:Labubu 'hottest collectible' right now". SunStar Publishing Inc. (in English). Retrieved 2024-11-19.
- ↑ 3.0 3.1 Surbano, Eric E. (2024-09-21). "Decoding the Labubu hype from its origins to creator and celebrity endorsements". Prestige Online - Malaysia (in English). Retrieved 2024-11-19.
- ↑ 4.0 4.1 Fernando, Jeff (2024-10-23). "Labubu mania sweeps the Philippines: Celebrities can't get enough of these whimsical toys". Daily Tribune (in English). Retrieved 2024-11-19.
- ↑ 5.0 5.1 5.2 Zachariah, Natasha Ann (2024-11-14). "Going ga-ga over Labubu: The toy that has fans fighting, faking and stealing it". The Straits Times. Retrieved 2024-11-19.
- ↑ 6.0 6.1 Bargeron, Sadie. "Blackpink's Lisa's favorite Pop Mart toy Labubu causes global mania | Jing Daily". jingdaily.com (in English). Retrieved 2024-11-19.
- ↑ Chang, Andrea (2024-11-05). "Overnight lines, mall fights and instant sellouts: Labubu toy mania comes to America". Los Angeles Times (in English). Retrieved 2024-11-19.
