Larry Martin
Si Larry Sienno Galvan Martin (gaha', Larry Martin, namundag sa Milaor, Camarines Sur) sarong dating pulis. Siya an nanggana sa Biggest Loser Pinoy Edition season 1. Pinagbuyagyag an kapangganahan niya sa grand finale na ginibo sa Ynares Stadium kan Oktobre 8, 2011, sa syudad kan Pasig.
Kan siya pulis, napiritan siyang magdimitir ta dai na niya namamantener an sukol niya sa habayan na dai dapat maglampas sa 34 pulgada susog sa pinagboboot kan Philippine National Police (PNP). Paglaog niya sa training camp kan Pinoy Biggest Loser, siya nagtitimbang na 255 na libra. Pakalihis nin apat na bulan (20 semana), siya nagpipisada na sana nin 154 na libra. An hiniyos niya 39.61% o an naina niyang pisada 101ng libra, bagay na iyo an nakapanggana saiya sa kompetisyon.
Si Martin nagkamit asin winarasan nin P1 milyon, sarong condominium na yunit regalo kan DCMI Homes, sarong scooter na Vespa, sarong 40-pulgadang telebisyon marka Sony Bravia Internet TV, mga Whirlpool na appliance, serbisyo sa sarong salon naghahalagang P100,000.00, asin lawigbuhay na myembro sa Fitness First. Si Martin maluwas asin tampok man sa atubangan na patos kan magasin na Men's Health sa isyu kaining Nobyembre.
Mga panluwas na takod[baguhon | baguhon an source]
- Pag'anunsyo kan gana sa Pinoy Biggest Loser[permanent dead link]
- Facebook ni Larry Martin
- ABS-CBN.com
