Lasminingrat
| Raden Ayu Lasminingrat | |
|---|---|
 | |
| Kamundagan | Lasminingrat 29 Marso 1854 Garut, Dutch East Indies |
| Kagadanan | 10 Abril 1948 Garut, Indonesya |
| Iba pang mga ngaran | Raden Ayu Lasminingrat |
| Trabaho | Iskolar |
Si Raden Ayu Lasminingrat (namundag 29 Marso 1854 asin nagadan 10 Abril 1948) sarong parasurat asin iskolar na Sundanese. Siya an pinaka-inot na babaying Garut na uratig magtaram nin lengguwaheng Dutch.[1]
Buhay asin karera
[baguhon | baguhon an source]Si Raden Ayu Lasminingrat namundag sa Garut na dating Dutch East Indies kan 29 Marso 1854. Siya an pinakamatuang aking babae ni Raden Haji Muhamad Mussa asin Raden Ayu Ria, sarong prinsipe na Sundanese asin parasurat. Kan siya aki pa, nagpirmi siya ki Levysopn Norman sa Sumedang na iyo kampaniyero ni Raden Haji Muhamad Mussa. Kansiya nag-istar kaiba si Norman, pig-aapod siyang Saatje asin nakanood magbasa, magsurat nin Dutch, asin iba pang kaaraman na may relasyon sa kababayihan.
Kan 1871, nagbalik siya sa Garut asin nagtrabaho bilang parasalin nin libro. Kan1875, nagpaluwas siya nin librong Carita Erman, na kun sain pigsalin niya an mga gibo ni Christoph von Schmid. Makalihis nin sarong taon, nagsurat siya kan librong Wanasari atawa roepa-roepa Dongeng Jilid I kun sain tigsalin niya an Vertelsels uit het wonderland voor kinderen, klein en groot asin iba pang mga pang-aki na istoryang engkanto na gikan sa Europa.[2]
Pagtugdas nin Eskwelahan
[baguhon | baguhon an source]Kan 1907, nagtugdas siya nin sarong eskwelahang para sa mga kababaihan, Sakola Kautamaan Istri (Women's Proficiency School). An eskwelahan nag-ako nin suporta sa Garut Regent, R.A.A Wiratanudatara VIII, asin mga opisyal kan gobyernong kolonyal. Sa inot, nadipisilan sa paghanap nin mga estudyante huli sa lokal na pagtubod na dai dapat akoon an mga babae sa mga eskwelahan. Inot muna siya nagkua nin mga estudyante sa saiyang mga paryentes asin mga babaying aki nin mga opisyales tanganing resolberan an problemang ini.[1]
Tinukduan niya an mga estudyante na magbasa, magsurat, magtahi, asin magborda. Kan 1913, an eskwelahan nag-ako nin permiso sa gobyerno kolonyal sagkod nagdakula an eskwelahan.
Personal na buhay asin kagadanan
[baguhon | baguhon an source]Na-agom niya si R.A.A Wrataudatara VIII.[3] Nagadan si Lasminingrat kan 10 Abril 1948 sa Garut.
Premyo asin Pamana
[baguhon | baguhon an source]Sa bilog niyang karera sa literatura, dakula an naitabang niya sa mga literaturang Sundanese asin sa syudad. Nagtabang man siya sa pag-andorog asin pagpapakusog sa mga kababaihan. Sa Indonesya, nagdakula na an saiyang eskwelahan.
Nabansagan siya na "An Inot na Ina sa Pagkaaram sa Pagbasa asin Pagsurat kan Indonesya ".Nagproponer an gobyerno sa ngaran na RA Lasminingrat bilang sarong Nasyunal na Bayani kan Indonesya.[4]
Pagrukyaw
[baguhon | baguhon an source]Kan 29 Marso 2019, an Google ipinagselebrar an ika-169 aldaw nin pagkamundag ni Lasminingrat gamit nin sarong doodle. [5][6]
Mga Toltolan
[baguhon | baguhon an source]- ↑ 1.0 1.1 Rachmadita, Amanda. "Peran Lasminingrat dalam Pendidikan dan Penerjemahan". historia.id (in Indonesian). Historia. Retrieved 30 March 2023. Error sa pag-cite: Invalid
<ref>tag; name "Las" defined multiple times with different content - ↑ Info Garut, Info Garut. "RA Lasminingrat, Pejuang Emansipasi Wanita Pertama dari Tanah Sunda Sebelum Kartini". infogarut.id (in Indonesian). Info Garut. Retrieved 30 March 2023.
- ↑ Info Garut, Info Garut. "RA Lasminingrat, Pejuang Emansipasi Wanita Pertama dari Tanah Sunda Sebelum Kartini". infogarut.id (in Indonesian). Info Garut. Retrieved 30 March 2023.
- ↑ Redaksi. "Siapa Lasminingrat yang Jadi Google Doodle Hari Ini?". CNBC Indonesia (in Indonesian). Retrieved 2023-03-28.
- ↑ "Lasminingrat's 169th Birthday". www.google.com (in English). Retrieved 2023-03-28.
- ↑ Desk, OV Digital (2023-03-28). "Google Celebrates Lasminingrat Birthday with a doodle". Observer Voice (in English). Retrieved 2023-03-28.