Laurence Bergreen

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Laurence Bergreen
Minundagan (1950-02-04) Pebrero 4, 1950 (edad 70)
Kasibotanautor
NasyunalidadAmerikano
Panahon1980–presente
GenreHistorya, biograpiya
Bantog na giboOver the Edge of the World (2003), Capone: The Man and the Era (1994), Irving Berlin (1990)

Si Laurence Bergreen (namundag, Pebrero 4, 1950) sarong Amerikanong historyador asin autor.

Karera[liwaton | liwaton an gikanan]

Pakatapos pag'adal sa Harvard University kan 1972, si Bergreen nagtrabaho sa lantad nin journalism, academia asin sa brodkasting nin radyo bago niya ipapublikar an pinakaenot niyang biograpiya, James Agee: A Life.

Si Bergreen pira nang sinurat na mga libro dapit sa kasaysayan, arog kan Voyage to Mars: NASA's Search for Life Beyond Earth, sarong usipon manongod sa eksplorasyon kan NASA manongod sa planetang Mars, asin kan libro dapit sa pagbiyahe ni Magellan Over the Edge of the World: Magellan's Terrifying Circumnavigation of the Globe. An biograpiya ni Bergreen, Marco Polo: From Venice to Xanadu,[1] ginigibong tampok na pelikula na binibidahan ni Matt Damon.[2]

Si Bergreen nagsurat na para sa The New York Times, Los Angeles Times, The Wall Street Journal, Chicago Tribune, Newsweek asin sa Esquire. Siya man nagtukdo sa New School for Social Research asin nagsirbe komo Assistant sa Presidente kan Museum of Television and Radio sa Nweba York. Kan 1995, siya nagtukaw bilang huwes sa National Book Awards asin kan 1991 komo huwes sa PEN/Albrand Nonfiction Award. Parating taga-lektura sa mga mayor na mga unibersidad asin symposia, asin minsan ngane sakay sa mga cruise ship, siya nagin Tampok na Historyador para sa History Channel.[3]

Kan 2007, si Bergreen inulayan kan NASA na magtaong pangaran sa mga heolohikong mga tandaan sa palibot kan inapod na Victoria crater sa Mars, basado daa sa mga lugar na nadukayan ni Ferdinand Magellan. Kan 2008, si Bergreen nagin keynote speaker sa ika-50ng anibersaryo kan NASA na ginibo sa Washington, D.C..[4] An saiyang pinakahuring obra iyo an Casanova: The World of a Seductive Genius.

Si Bergreen kaapil kan PEN American Center, The Explorers Club, Authors Guild, asin myembro man sa Board of Trustees kan New York Society Library. Siya nag'eerok sa New York City.[3]

Bibliograpiya[liwaton | liwaton an gikanan]

Toltolan[liwaton | liwaton an gikanan]