Leonardo Legaspi

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

An Kagalanggalang na Padre y Don Leonardo Zamora Legaspi, O.P., O.A.S., S.T.D., LL.d., D.Litt., Ed.D., M.A., S.Th.L., B.Ed., Bs.M.E., A.B., ( namundag, (Nobyembre 25, 1935 - Agosto 8, 2014 ) iyo an nagin ikatolong Arsobispo Emeritus kan Katoliko Romanong Arkidiosesis nin Caceres (1983-2012). Siya nagin man Presidente kan Catholic Bishop's Conference of the Philippines asin siya an nanombrahan na pinakaenot na Filipinong Rektor kan Pontifical asin Royal University kan Santo Tomas kan taon 1970. Kan Septyembre 8, 2012 nagretiro siya sa saiyang katongdan bilang Arsobispo kan Arsobispado nin Caceres asin an Santo Papa Benedicto XVI, sa pagkuang kasangle niya, nagnombra ki Obispo Rolando J. Tria Tirona, O.C.D, D.D. komo Arsobispo kan Caceres.

Bilang arsobispo kan Caceres, si Legaspi iyo an pinakahalawig na nagtukaw na nag-ayaw nin 29 taon.

Mga enot na taon asin edukasyon[liwaton | liwaton an gikanan]

Si Legaspi namundag sa Meycauayan, Bulacan asin pakaadal sa St. Mary's Academy sa Meycauayan, nagpasiring sa Hong Kong ta duman nagkua nin kurso sa Batsilyer en arte sa Pilosopiya. Dangan siya nag'ayon sa Orden nin mga Dominikano tapos nagkuang licentiate sa Unibersidad kan Santo Tomas, sagkod na nakamit niya an Doktoradong Kurso sa Teologia Sagrado. Nagpadagos kan saiyang adal duman sa Harvard Graduate School of Business Administration kun saen kan taon 1971 nakakua siya kan kurso sa Educational Management. Pagbalik niya sa Filipinas tinapos niya an Doktoradong Kurso sa Pilosopiya sa Unibersidad kan Santo Tomas.[1]


Karera[liwaton | liwaton an gikanan]

Kan 1968, siya an pinakaenot na nagin Filipinong Rektor Magnificus kan Seminaryong Sentral kan Unibersidad kan Santo Tomas asin kan taon 1970, siya nanombrahan na Rektor kan nasabing unibersidad. Umabot an Hunyo 30, 1977, si Legaspi nanombrahan sa katongdan na Obispo titular nin Elefantaria nin Mauritania asin Obispo Auxiliar nin Manila. Tapos kaini, siya, sa sarong solemneng instalasyon kan Enero 18, 1983, nabugtak sa katongdan na ika-3ng Arsobispo kan Arkidiosesis nin Caceres asin ika-33 na Obispo kan Simbahan Katoliko Romano sa Filipinas. Laen pa kaini, nagsirbe man siyang Presidente kan Catholic Bishop's Conference of the Philippines (CBCP) patin Presidente kan Ika-2ng Plenary Council sa Filipinas kan 1991. [2]

Mga pangyari asin kahamanan[liwaton | liwaton an gikanan]

Yaon sa saiyang katongdan nangyari an bibong pagrokyaw kan tresentenaryong selebrasyon (1710-2010) kan hararom na debosyon ki Ina (Nuestra Senora de Penafrancia). Siya man an nagkomisyon na matindog an arko sa atubangan kan Katedral Metropolitan na inapod na Porta Mariae. Ini sarong togdok na hinaman sa dakulang pag'omaw ki Santa Maria sa saiyang pagkatawong Inang Penafrancia. Sa 29 taon nin pagkapot kan Caceres, napatindog niya an prelatura kan Libmanan, namukna asin napadakul niya an mga parokya sa mga boro-banwaan huli sa saiyang maigot na paghimoyaot.


Arko para ki Maria

Honorary Degrees[1][liwaton | liwaton an gikanan]

  • Doctor of Education Honoris Causa, National University, Manila
  • Doctor of Laws Honoris Causa, Angeles University, Pampanga
  • Doctor of Humanities, University of Northeastern Philippines

Mga onra asin pasib[3][liwaton | liwaton an gikanan]


Toltolan[liwaton | liwaton an gikanan]

  1. 1.0 1.1 CBCP Online CBCP Website Septyembre 14,, 2012
  2. UST 400 UST 400 Website Septyembre 14, 2012
  3. pasib Vocabulario de la Lengua Bicol