Leprosarium ni San Lazaro
An Leprosarium ni San Lazaro sarong ospital para sa mga may daot (lepra) na tinugdas ni Obispo Francisco Gainza sa Palestina, Pili, Camarines Sur kan siya iyo an nagtutukaw na Obispo sa Nueva Caceres.
Alagad, ini napiritan an Amerikanong Obispo na si John MacGinley (1910-1924) na ipabakal kan 1919 an bilog na ospital sa sarong Kastila na iyo si D. Andres Soler sa halagang Php 15,000 kan an diocesis nag'agi nin krisis sa pinansyal.[1] Kan ini pinabakal kan Diocesis nin Caceres, an okupadong hiwas kan solar namumugtakan kan ospital nag'abot 323 na ektarya na igdi may ataman pang limang polong payo nin baka asin Titulo Torrens an darang titulo.[2]
