Linantang pili

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Litik nang bunga nin pili.JPG

An linantang pili pwedeng gibohon na panhamis o pwede man "panira" na padagos.

An paglalanta iyo an pagbuntog sa mainit na tubig. Dapat an ibuntog idtong mga litik (maitom na an ubak) ta segurado nang hinog. Pero an pili ngani maglumoy na toltol dai direkta ulaan kan mainit na tubig ta kun mangyari, ini nahahagoy o napapakat. Pagnahagoy, imbes na maglomoy ini natagas logod. Durungan na ikaag an mga pili sa mainit na tubig (pero bakong nagkakala'kaga') asin mas maray kun lokdoan an mangko na kinaagan ngani madali maglomoy. Maski pira an lantahon basta an importante sanop sa tubig an pili.

Pakaubaki an pili, ramasan nin asukar kun gusto ining panhamis. Ini an usong praktis sa Naga. Alagad sa Rinconada asin ibang parte kan Albay, an linanta ginigirisan nin sibulyas saka winiwisikan nin patis. Maluto an katampad kaini sa pagkakan.