Lindsay Lohan

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Lindsay Lohan
Lindsay Lohan 2013.jpg
Lohan kan 2013
KamundaganLindsay Dee Lohan
(1986-07-02) Hulyo 2, 1986 (edad 34)
New York City, U.S.
Trabaho
  • Actress
  • singer
  • songwriter
  • entrepreneur
  • television personality
Mga taon na aktibo1989–presente
Telebisyon
Sadiring-taoAliana Lohan (tugang)
Musical career
Genres
Instruments
  • Vocals
  • guitar
Labels

Si Lindsay Dee Lohan (/ˈlhæn/; namundag Hulyo 2, 1986[3]) sarong Amerikanong aktres, parakanta, parasurat-kanta, entrepreneur, asin personalidad sa telebisyon.[4] Namundag asin nagdakula sa Nweba York, si Lohan nagin saro sa modelo kan Ford Models sa edad na tolo. Siya nagluluwas na regular sa sarong soap opera sa telebisyon sa Another World kan edad 10, asin siya nagpoon magsikat nanggad na kan makalaog siya sa pelikulang The Parent Trap (1998), sarong pelikula kan Walt Disney. Su marhay na eksito kaining pelikula nagin dalan sa pagluwas niya sa mga pelikulang pantelebisyon na mga minasunod: Life-Size (2000) asin Get a Clue (2002). Dangan siya naimbwelto sa mga big-screen productions na Freaky Friday (2003) asin Confessions of a Teenage Drama Queen (2004).

An mga paghingowa niya kan aki pa siya nagdulot ki Lohan nin childhood stardom, manta idtong pelikulang Mean Girls (2004) nagpatotoo na gayo kan saiyang status bilang teen idol. Pagpapel niya sa Herbie: Fully Loaded (2005), si Lohan nagin mainit na piguurulayan sa media gibo kan dinapoan siya nin serye nin mga personal na problemang personal asin legal, asin nakadugang pa an mga pagkakonkon niya sa mga pasilidad nin rehabilatasyon gibo kan problema niyA sa droga. Dara kaini, naapektohan na gayo an saiyang karera, nakalihis mga oportunidad sa pagpapel sa mga pelikula. Dangan kaidto nagluwas siya sa magkapirang mga pelikula kabali na diyan an A Prairie Home Companion (2006), Just My Luck (2006), Bobby (2006), and Chapter 27 (2007). Kan mga taon 2010, nagluwas siya sa magkapira pang pelikula na an mga matanog iyo an Machete (2010), Liz & Dick (2012), asin The Canyons (2013).

Si Lohan nagluwas man sa mga pasaling telebisyon, kabali diyan an docu-series na Lindsay (2014), an British comedy series Sick Note (2018), an MTV reality show Lindsay Lohan's Beach Club (2019), asin an musical competition show The Masked Singer Australia (2019-presente). Siya man nagdebut duman sa London West End production of Speed-the-Plow (2014–2015).

Si Lohan naglataw na husto sa industriya nin musika sa lindong kan Casablanca Records, na nakapaluwas nin duwang studio album, an platinum-sertipikadong Speak (2004) asin an bulawan-sertipikadong A Little More Personal (Raw) (2005). Si Lohan nagbuntog man sa fashion, pino'nan an sadiring linya tituladong 6126 asin madali nagin advisor artistiko para ki Emmanuel Ungaro kan 2009. Poon kan 2016, siya nagbukas nin magkapirang nightclub asin mga resort sa Gresya.



Toltolan[liwaton | liwaton an gikanan]