Lipid

Istraktura kan nagkapirang bistadong mga lipid. Sa itaas iyo an cholesterol asin oleic acid. Sa tahaw iyo an triglyceride na pigbibilog kan oleoyl, stearoyl, asin palmitoyl na sugpon sa glycerol na likod-tulang. Asin sa ibaba iyo an bistadong phospholipid phosphatidylcholine.

An mga lipid iyo an mga makrobiyomolekula na natutunaw sa mga "nonpolar solvent", kun sain sinda iyo kaiba sa grupong organikong molekula na dae nakikisalak sa mga "polar solvent" arug kan tubig.

An halimbawa kan mga lipid iyo an mga fatty acids, oils, waxes, phospholipids, sphingolipids, glycolipids, asin cholesterol. An apud sa lipid na matagas sa temperatura nin kwarto iyo an "fat", habang an lipid na likido sa temperatura nin kwarto iyo an "oil".

Istraktura

An ibang lipids iyo minsan "linear aliphatic" na molekula. An iba man iyo may ring na istraktura. May iba man na matibay asin an iba iyo natitiko. An lipids iyo may "hydrophobic" na ikog asin "hydrophilic" na payo. An hydrophobic iyo an inaapod na “water fearing” habang an hydrophilic iyo an mga “water loving” na molekula.

Mga kagamitan

An lipids iyo may importanteng papel sa satuyang pang urualdaw na buhay. Ginagamit ini sa satuyang lawas bilang imbakan nin enerhiya. Ginagamit man ini bilang istrakturang ingrediente sa mga selula. Asin, gigagamit man ini sa industriya nin pharmaceutical bilang "drug carriers".

Hilingon man

• Carbohydrate
• Protina
• Bitamina