Litsiyas

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
litsiyas bunga
litsiyas tamboan
De latang litsiyas

An litsiyas (Litchi chinensis)(Chinese: 荔枝; pinyin: lì zhī; Jyutping: lai6 zi1; Nepali asin Hindi: लीची) iyo an solong kaapil sa genus na Litchi kan pamilyang soapberry, an Sapindaceae. Sarong tropikal asin nagkakahoy na tinanom, ini dating tubo sa probinsya kan Guangdong asin Fujian kan Tsina, alagad lakop nang pinapatambo sa dakul na parte kan kinaban. An prutas kaini may kunab na maputi, malumhok, mahamyo saka maramismis. Parati ini kinakakan na hilaw ta kun i'agi sa luto nawawara an hamot niya.[1]

An tinanom na ini naabot 10-28 netro (33-92 pye) an langkaw saka nabunga na pwedeng umabot 5 sentimetro an laba asin 4 sentimetro an lakbang (2.0 x 1.6 pul.) An bunga may ubak na pulang nagrorosa-rosa na madaling baakon na sa laog kaini mahiling na tolos an malamuting garo-silag na laman. Ini popular isalak sa pahamis na pagkakan asin sunoon na gayong kakanon sa Tsina, Sur-subangan na Asya, asin ibang parte kan Habagatan Aprika..

An litsiyas inaataman sa Tsina, Sri Lanka, Taiwan, Tailandya, Byetnam, Hapon, Indya, Banglades, Pakistan, Nepal, Australya, Mehiko asin ibang parte kan Habagatan Aprika.

An litsiyas halawig nang gayo an historya sa pagtanom na nasibog pang 2000 BC susog sa rekord kan Tsina. Nagpoon pag'ataman kaini sa habagatan na parte kan Tsina, Malaysia asin Byetnam. Dakul pang layas na litsiyas nagtataralubo sa Habagatan Tsina asin sa Isla nin Hainan. Ini daa sarong delicacy sa Korte Imperial kan Tsina. Enot ining nadara sa Solnopan kan taon 1656 ni Michael Boym, sarong misionerong Heswitang Polako.[2]

Mga panluwas na takod[liwaton | liwaton an gikanan]

management in Australia]

Toltolan[liwaton | liwaton an gikanan]

  1. "Lychee". Plantilya:Italiclink. http://www.hort.purdue.edu/newcrop/morton/lychee.html. Kinua 27-07-14
  2. https://www.hort.purdue.edu/newcrop/morton/lychee.html Kinua 27-07-14