Loida Nicolas-Lewis
| Loida Nicolas Lewis | |
|---|---|
.jpg) Lewis kan 2010 | |
| Kamundagan | Loida Mañalac Nicolas 1942 (edad 81–82) Sorsogon, Sorsogon, Commonwealth of the Philippines |
| Nasyunalidad | Filipino American |
| Trabaho | negosyante, lider sibiko, parataram, autor, asin abogado |
Si Loida Nicolas Lewis (namundag 1942) sarong Filipino-Amerikanong negosyante, pilantropo, lider sibiko, autor, parataram, parasurat asin abogado.
Mga enot na taon[baguhon | baguhon an source]
Namundag sa Syudad nin Sorsogon, Filipinas, si Lewis may tolong tugang. An saiyang ama na si Francisco J. Nicolas kagtogdas kan saro sa pinadakulang pagibohan muwebles, an Nicfur. Siya sarong Katoliko. Nagklase siya sa St. Agnes Academy (dati, Academia de Sta. Ines), an pinakaenot na eswelahan katoliko sa Albay. Filipinas. Si Lewis nagtapos sa kolehiyo na cum laude sa St. Theresa's College sarong Katolikong pambabaeng pribadong eskwelahan sa Manila. Nagklase pa man siya Unibersidad kan Pilipinas.
Kun panong nanompongan niya an saiyang agom[baguhon | baguhon an source]
Nanompongan niya an saiyang maaagom si Reginald F. Lewis sa Nweba York sa sarong blind date kan taon 1968 kan siya sarong turista na nakikidagos sa tugang niyang si Imelda, na nataon estudyunte sa Columbia University. Sinda kinasal kan Agosto 16, 1969 sa Manila. Si Reginald Lewis nagin rogaring an Beatrice International kan Desyembre 1987 sa sarong bakalan na nagkahalaga nin $985 milyon asin gibo kaini, ini nagin pinakadakulang negosyo sa Estados Unidos na pagsasadiri nin sarong Afro-Amerikano. An pamilya niya naghubo sa Paris kan taon 1990. Si Lewis naglibot sa iba-ibang parte kan kinaban asin sa Amerika sa pagtolod kan librong biograpiya kan saiyang dipuntong agom, tituladong "Why Should White Guys Have All the Fun?….How Reginald Lewis Created a Billion Dollar Business Empire".
Bilang negosyante[baguhon | baguhon an source]
Sa propesyon sarong abogado, si Loida sarong aktibong lider sa komunidad Filipino sa Estados Unidos. Siya an may pambihirang rekord na pinakaenot na Asyanong babae na nakapasar sa New York State bar na dai nag'adal nin ley sa Amerika. Bilang negosyante, rinanggo siyang numero Uno sa sinasabing "Top 50 Women Business Owners in America" kan magasin na Working Woman kan taon 1994.[1]
Siya tinutubod na may asset na $600 milyon asin saro sa pinakamayaman na Fil-Amerikano.[2][3]
Siya an chairman asin CEO kan TLC Beatrice International Holdings, Inc., sarong 2-bilyon-dolyar na korporasyon nin 64 kompaniya nakabase sa 31 nasyon. An TLC marketer nin sorbetes sa Espanya, sa Canary Islands, an nangengenot na paragibong potato chips sa Irlandya asin paradistribuir nin mga inomon sa Netherlands, Belgium, Pransya, asin Tailandya.[4]
Si Loida Nicolas-Lewis na sarong parabiyahe na gayo, matalasay magtaram nin Ingles, Pranses, Espanyol, Tagalog asin Bikol.
Mga panluwas na takod[baguhon | baguhon an source]
- [1] Pabisto ki Loida Nicolas-Lewis. Kinua 02-06-14
- [2] Interbyu ki Loida Nicolas-Lewis. Kinua 02-06-14
- [3]YouTube. Interbyu ki Loida Nicolas-Lewis. Kinua 02-06-14
Toltolan[baguhon | baguhon an source]
- ↑ http://filipinoachievers.com/2010/06/24/loida-nicolas-lewis-richest-filipina-in-the-world/ Kinua 02-06-14
- ↑ http://www.therichest.com/celebnetworth/celebrity-business/women/loida-nicolas-lewis-net-worth/ Kinua 02-06-14
- ↑ http://filipinoachievers.com/2010/06/24/loida-nicolas-lewis-richest-filipina-in-the-world/ Kinua 02-06-14
- ↑ http://filipinoachievers.com/2010/06/24/loida-nicolas-lewis-richest-filipina-in-the-world/ Kinua 02-06-14
