Lubang asin halo

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
lubang na gapo
Porselanang lubang
Pilon, apod sa Cape Verde kan lubang
Soanoy na lubang sa Filipinas

An lubang asin hâlo iyo an ibahan na gamit sa pagrunot, pagpulbos, pagmilmig, pagramas o pag'ubak (siring kan paroy na magin bagas), kan mga sangkap sa pagluto o pag'andam nin ibubulong. An lubang na inaapod man na "almires"[1] na pwede gibo sa kahoy, sa gapo, marmol, granito o purselana, may pilwak o luho kun saen diyan ikinakaag an rurunoton o uubakan. An hâlo iyo an ibinubukbok ngani marunot an mga nakaag sa lubang. An lubang haloy nang gamit sa kusina sa pagluto o pag'andam nin bulong. Ginagamit man ini kan mga kantero pagramas sa pagsesemento.

Pag'abot kan mga de motor na gilingan, bihira nang gamiton an lubang. Alagad, ini nagagamit pa man sa mga seremonya arog kan mga kasalan sa Hindu o kan mga arbularyo sa Filipinas. Sa mga pwera sa Filipinas, darakulang lubang an ginagamit sa pagdais kan paroy na magin bagas asin duwa katawo nagriribay-ribay sa pagbukbok kan paroy gamit tigsarong hâlo.

Uusipon[liwaton | liwaton an gikanan]

An paggamit kan lubang haloy na nanggad na marhay asin nasususog pa sa 35,000 B.K. [2].

Materyal sa paggibo nin lubang[liwaton | liwaton an gikanan]

Dapat an materyal gamit sa paggibong lubang tama an tagas na dai mapodpod ini. Dai dapat matapo ta mabaraak sa pagbukbok, asin dusok an supat ngane dai magsoroksok an pigrurunot o magwalat an namit kan enot na dinukdok sa bagong dudukdokon.

Kun sa kakanon, an tada na mga ingrediente pwede magwalat asin magsuroksok, na gikanan kan pagtalubo nin mikroorganismo sa lubang o makasalak sa pigtitimplang bulong.

Mga panluwas na takod[liwaton | liwaton an gikanan]

  • [1] Pigtitindang lubang-halo. Kinua 5-12-14.
  • [2] Iba-ibang klaseng lubang-halo. Kinua 5-12-14.

Toltolan[liwaton | liwaton an gikanan]