Lucy Maria Field Wanzer
| Lucy Maria Field Wanzer | |
|---|---|
 Wanzer c. 1892 | |
| Kamundagan | Lucy Maria Field Okt. 11, 1841 Wisconsin |
| Kagadanan | Okt. 13, 1930 San Francisco |
| Edukasyon | University of California, San Francisco |
| Plantilya:Infobox medical details | |
Si Lucy Maria Field Wanzer (1841–1930) iyo an pinakaenot na babaeng naako asin naggradwar sa sarong Amerikanong eskwelahan medikal sa bandang sulnopan nin Rocky Mountains.
Kaamayi nin buhay
[baguhon | baguhon an source]Si Wanzer namundag Lucy Maria Field kan Oktobre 11, 1841, sa Wisconsin, enot nag'estar sa Milwaukee dangan sa Madison.[1] An ina niya may laygay na helang na napiritan an pamilya maghubo' sa California kan 1858.[2] Si Wanzer nagin maestra sa elementarya, asin, pakaagom nin dai naghaloy, siya nagtipon kwarta ngani makaadal sa eskwelahan medikal paagi pag'adal nin telegrapiya asin nagtugdas nin opisina sa telegrapo.[3]
Eskwelahan medikal asin pagpraktis
[baguhon | baguhon an source]Si Wanzer enot nag'aplay sa Toland Medical College sa San Francisco kan 1873, alagad dai siya inako'. Kan Marso 1873, an eskwelahan na ini nasaro' sa University of California na ngapit inapod nang UCSF), asin si Wanzer nagkiulay giraray na akoon siya bilang estudyante igdi. Siya inako' man giraray pakalihis nin apat na bulan na paghuhurot asin ta ini iyo an nagbukas sa ibang babae na maako' na sa unibersidad na ini. Kan siya nag'aadal igdi, siya pinasakitan kan ibang mga estudyante, asin saro pa nganing propesor sinabihan siyang an mga babaeng gustong magin doktor, dapat ipahale an saindang obaryo, na igdi alisto niya man sinimbag na an mga lalake man dapat haleon an saindang bayag.[4] Siya naggradwar na may onra kan taon 1876.[5]
Pakagradwar, si Wanzer inako na myembro sa San Francisco County Medical Society, apesar kan mga diskriminasyon na dai man nag'asir.[3] An saiyang praktis, sa manlaen-laen na klinika, nagpokus sa obstetrics asin gynecology.[4] Kan 1890, siya naelehir na presidente kan University of California Medical Department Alumni Society.[2] Si Wanzer nagin man pediatrician, asin nagtuwang sa pagtugdas kan the San Francisco Children's Hospital.[2]
Si Wanzer nagpraktis siya hanggan inabot an edad na mga 80, asin nagadan kan Oktobre 13, 1930, sa edad na 89.[2]
Toltolan
[baguhon | baguhon an source]- ↑ Master hands in the affairs of the Pacific Coast: A Resumé of the Builders of Our Material Progress. Western Historical and Pub. Co. 1892. pp. 98–99. Retrieved 3 January 2014.
- ↑ 2.0 2.1 2.2 2.3 Sherins, Robert. Dr. Lucy M. Field Wanzer, First Woman Graduate U.C. Medical Department (PDF). Archived from the original (PDF) on 4 January 2014. Retrieved 3 January 2014.
- ↑ 3.0 3.1 Gloria G. Harris; Hannah S. Cohen (2012). Women Trailblazers of California: Pioneers to the Present. History Press. pp. 95–97. ISBN 978-1609496753. Retrieved 17 December 2013.[permanent dead link]
- ↑ 4.0 4.1 Chen, Jeffrey. "140 Years Later: The First Female Graduate of UCSF". UCSF School of Medicine. Archived from the original on 19 December 2013. Retrieved 18 December 2013.
- ↑ Error sa pag-cite: Imbalidong
<ref>tatak; mayong teksto na ipinagtao para sa reperensiya na pinagngaranan naMasterhands
