Lucy Tan

Gikan sa Bikol Sentral na Wikipedia, an talingkas na ensiklopedya

Si Lucy Tan sarong nobelista. Siya an kagsurat kan nobelang What We Were Promised. An nobelang ini nakakua nin nagkakapirang onra arog kan pagigin saro sa mga Longlisted na nobela sa Center for Fiction's First Novel Prize, Best of Books of 2018 kan The Washington Post, Refinery 29, asin Amazon, Barnes & Noble Discover Great New Writers Selection, Amazon's "Best Books of July", Publishers Weekly's "Best Books of Summer 2018" asin man Huffington Post's "60 Most Anticipated Reads of 2018".[1]

An nobela manungod sa sarong pamilyang mga Tsino-Amerikano na nagbwelta bilang mga expats mantang igwa nin marhay na pinansiyal na estado tanganing makisabayan sa modernisasyon kan Shanghai. Ini nangyaring gayo sa kasagsagi kan World Expo. Manungod man ini sa love triangle, sarong siyudad na nag-aandam sa paabuton kaining pag-asenso asin sa sarong babaying babayaan an saiyang rural na pagbuhay tanganing magpasiring sa mas dakulang siyudad.[2]

Dawa na nagdakula sa New Jersey, pirmi man siyang nagbuburo-bwelta sa New York asin Shanghai. Kadakli ngani sa mga karakter sa saiyang istorya, nailalaag man sa parehong kondisyon. Igwa siya nin MFA sa creative writing na pigkua niya man sa University of Wisconsin-Madison, igdi niya man ginana an August Derleth Prize. Nakakua man siya nin mga suporta hali sa Kundiman, NY State Summer Writers Institute, asin the Wisconsin Institute for Creative Writing. Nagi man siya nin fiction winner kan 2015 Emerging Writer's Contest. Sa presente, siya nakaistar sa Seattle. [3]

Toltolan[baguhon | baguhon an source]

  1. https://lucyrtan.com/
  2. https://www.lillianliauthor.com/blog/2019/1/7/interview-with-author-lucy-tan-what-we-were-promised
  3. https://lucyrtan.com/bio

Panluwas na takod[baguhon | baguhon an source]

https://www.goodreads.com/author/show/15116357.Lucy_Tan