Luis Cabalquinto

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Si Luis Cabalquinto

Si Luis Cabalquinto (namundag Enero 31, 1935) sarong Bikolanong parasurat, pararawitdawit sa tolong lenggwahe: Bikol, Tagalog asin Ingles sagkod sarong tagapaglagdâ nin mga libro. An mga tinokdâ niya napublikar na sa Estados Unidos, sa Filipinas asin sa Australya.

Kinamundagan asin edukasyon[liwaton | liwaton an gikanan]

Siya namundag sa Magarao, Camarines Sur. Nagkua kan saiyang sekundarya sa Ateneo de Naga dangan natapos niya an journalism saka masterado sa Comparative Literature sa Unibersidad kan Pilipinas. Saiyang nakua an masterado sa Creative Writing sa New York University huli sa sarong Fullbright-Hays grant. Kadagdagan pa igdi, sa Cornell University kuminua siya kan kurso sa Public Communications.

Karera[liwaton | liwaton an gikanan]

Nagtokdo siya sa U.P. Los Banos, dangan kan yaon siya sa Cornell Univerdsity naganyat siyang mas magtaong panahon sa pagtokdâ nin mga rawitdawit, bagay na iyo an nagpatarom kan saiyang talento sa pagsurat. Mala ta siya nakapalagdâ na nin magkapirang obra:

  • The Dog-eater and Other Poems (1989)
  • The Ibalon Collection (1991)
  • Dreamwanderer (1992)
  • Bridgeable Shores: Selected Poems (2001)
  • Moon Over Magarao: New and Selected Poems (2004)
  • Mannahatta Mahal: Collected Expatriate Poems (2007)
  • Tignarakol (2013)[1]

Makangalas nanggad ta sinasabi ni Cabalquinto na maski an mga obrang ini nasurat niya asin nalagdâ sa Ingles kadakulan, an mga ini sinurat niya enot (daa) sa tataramon na kinamundagan niya, sa Bikol.[2]

Mga pagpipilang[liwaton | liwaton an gikanan]

Maliban pa sa mga fellowship na saiyang inani sa mga manlaen-laen na institusyon, magkapira man an onrang nakamit: Poetry Prize haleng Academy of American Poets, Dylan Thomas Poetry Award hale sa New School for Social Research, Fellowship Award haleng New York Foundation for the Arts, Gawad Balagtas haleng Writers' Union of the Philippines, asin ngonyan 2013, siya nagkamit kan Bulawan nin Bikolnon Service Award na mismo an saiyang alma mater, an Ateneo de Naga (ngonyan Ateneo de Naga University o ADNU) an madulot huli sa saiyang mahalagang ambag sa pagparambong asin pagpatalubo kan literaturang Bikolnon.

Toltolan[liwaton | liwaton an gikanan]

  1. Cabalquinto, Luis(2013),Tignarakol:mga tulang Bikolnon.Naga City, Ateneo de Naga Press.
  2. http://www.adnu.edu.ph/newsfeatures.asp?qstrID=563

Ginunoan[liwaton | liwaton an gikanan]

Mga panluwas na takod[liwaton | liwaton an gikanan]