Maggie de la Riva
Si Maria Magdalena Torrente de la Riva (Pinangaki sa Manila, Filipinas; 3 Septyembre 1943[1]) bistado man bilang Maggie de la Riva sa Filipinas, sarong aktres na Filipina asin dating pageant beauty queen na nagluwas man sa haros 80 na pelikula. Namidbid lalo si Riva kan kaamayi kan saiyang karera kan sya pinadukot asin piglupigan kan apat na lalakeng gikan sa mga maipluwensyang pamilya kan taon 1967.
Kinaamayi kan Buhay[baguhon | baguhon an source]
Si Maggie De la Riva aki ninda Pilar Torrente (Mestisang Español) asin ni Juan de la Riva (German Swiss).[1]
Kan 1958, nakatapos sa elementarya asin sa sekondarya sa Miriam College (Midbid ngunyan bilang Maryknoll College) asin natapos an saiyang secretarial training kan taon 1960 sa Saint Theresa's College. kan 1963, pig-elihir sya bilang saro sa limang pinalista para sa beauty pageant na " MIss Caltex of 1963". Kan pareho sanang taon, pigrepresentar man ni Riva an mga Filipino Gowns para sa "Fashion Guild of the Philippines" na dinisenyo man kan "Millie's Gowns". Kan taon 1964, pigkua sya bilang brand promoter para sa "Respect the Centavo", sarong savings advertisement. BAgo sya nagin aktres, saro syang ballet dancer.[1]
Bilang sarong aktres sa pelikula, pigbabayadan sya nin ₱8,000 para saba sa saiyang pagluwas. Sa ABS-CBN, nagtrabaho sya para sa mga radio broadcasts asin television shows (₱800 kada bulan para sa mga permanent shows, dangan ₱100-200 para sa pagluwas bilang bisita sa ibang mga palabas). Sya sana an tagapag-dispuner para sa saindang pamilya poon kaidtong magadan an saiyang ama na si Juan. An saiyang ina iyo man an nag ataman kan intirong pamilya.[2]
Nagluwas sya sa Show Business asin suminikat sya sa saiyang karakter kairiba si Joseph Estrada sa "Istambay". Si Joseph Estrada an nagtau saiya nin break tangani na sya orog pang mamidbid. Sabi nya pa, dai nya daa malilingawan an pelikula nyang "Ang Langit ay Para Sa Lahat". Pinagkokonsiderar nya ini bilang saro sa mga magagayon nyang pelikula. Saro man syang parakanta asin pirming pigkukuang bisita sa mga nanginginot na night clubs sa Manila. Igwa man syang sadiring Tv show na igwa nin titulong Maggie sa Channel 3. Saro man syang guest artist sa "Tanghalan sa Darigold" sa Channel 11. Nagluluwas man sya pirmi bilang bisita sa "Tindahan sa Nayon" sa VG Television Production sa Channel 11.[1]