Maika Elan
Si Nguyen Thanh Hai (namundag kan 1986), midbid sa propesyonal na ngaran na Maika Elan, sarong freelance na retratista na namundag sa Hanoi, Vietnam. Si Elan nabisto sa saiyang pinakainot na proyekto, The Pink Choice , na nakasentro sa personal na buhay kan mga magkarelasyon na baklas sa Vietnam. Kan 2013, nanggana si Elan nin first prize sa kategoryang Mga Kontemporaryong Isyu kan World Press Photo kaiba an The Pink Choice. [1] asin saro siya sa mga partisipante sa Joop Swart masterclass sa Amsterdam. Siya napili sa programang VII mentor program poon 2014 sagkod 2016. [2]
Edukasyon[baguhon | baguhon an source]
Nagklase si Elan sa Unibersidad nin Social Sciences asin Humanities sa Hanoi asin nag-adal nin Sosyolohiya. [3]
The Pink Choice[baguhon | baguhon an source]
Kan 2010, naglipat si Elan hali sa editoryal na kliyente asin mga kusog sa moda paduman sa potograpiya nin dokumentaryo. An The Pink Choice nakasentro sa mga bakla na magkarelasyon sa pang-aro-aldaw na buhay sa Vietnam. Dai siya sigurado kun gusto niyang ipadagos an saiyang trabaho sa pagtipon nin mga retrato kan mga bakla na magkarelasyonalagad nagdesisyon siyang ipadagos na sumunod sa proyekto kan marisa niya an kakulangan nin representasyon sa temang ini. "Mayo ni saro sa mga retratong nahiling niya nagpahiling kan lalawgon kan saindang mga subject. Kadakul na retrato hali sa likod, asin may nagkapirang nakasulot nin maskara. Anas ini stereotyrical - asin maisog- na pagpahiling nin pagkamoot." [4]
An dating representasyon kan komunidad nin LGBT sa Vietnam haros mayo asin gustong seguradohon ni Maika na sinda sinasabing nappahiling bilang tunay na mga tawo. Pagkatapos na makaibanan an kada magkarelasyon sa laog nin pirang aldaw, na-agimadmad niya na mas komportable sindang sa pagpahiling nin pagkamoot sa saindang harong asin nagdesisyon siya na kuanon an gabos na retrato sa pribadong mga oras sa harong kun sain orog ninda maging sinda asin dae matatsar kan publiko sa luwas. An mga kabaklaan nakaka-eksperiyensya nin negatibong paghiling sa sosyedad asin sa saindang pamilya sa Vietnam, kaya kritikal an pagpahiling nin mga tunay na mga tawo sa totoong relasyon.
Sabi ni Elan, "An The Pink Choice sarong serye nin mga retrato asin pagkamoot kan magkarelaksyon na bakla na nakasentro sa buhay ninda. An mga nakakahiling dae man mahiling ang personalidad kan mga subjects sa retrato, alagad mamati ninda ang pagkamoot. Gusto ko mapahiling kun paano ko nahihiling an mga bakla asin bako kun pano ninda hilingon an sadiri." [5]
Kan 2010, si Elan natawan papremyo nin "the best photo essay "asin an "best single photo" sa Indochina Media Memorial Foundation, para sa The Pink Choice. [3]
Kan 2012, An The Pink Choice sarong finalist sa Asian Women Photographers Awards. [3]
An proyekto nanggana man nin first prize documentary story sa Pride Photo Awards kan 2013.
Kan 2013 nanggana si Elan nin pinakainot na premyo sa kategoryang Mga Kontemporanyong Isyu sa World Press Retrato kaiba an The Pink Choice. [1]
Mga Toltolan[baguhon | baguhon an source]
- ↑ 1.0 1.1 "Contemporary Issues, first prize stories: The Pink Choice: Contemporary Issues, first prize stories". World Press Photo. Retrieved 8 March 2017.
- ↑ Laurent, Olivier (24 March 2014). "VII Photo adds five photographers to two-year mentor programme". British Journal of Photography. Retrieved 8 March 2017.
- ↑ 3.0 3.1 3.2 https://www.worldpressphoto.org/maika-elan
- ↑ "Real Faces, Real People, Real Love in Vietnam - NYTimes.com". The New York Times (in English). Retrieved 2017-03-08.
- ↑ "Maika Elan: "Pink Choice" - Life inside Vietnam's Gay Community". Emaho Magazine. Archived from the original on 2021-06-26. https://web.archive.org/web/20210626114904/http://www.emahomagazine.com/2015/01/maika-elan-pink-choice-life-inside-vietnams-gay-community/. Retrieved on 2023-11-06.