Jump to content

Makopa

Gikan sa Bikol Sentral na Wikipedia, an talingkas na ensiklopedya

Makopa
An makopa
Hitsura kan binaak na bunga
Sayantipiko na klasipikasyon edit
Kahadean: Plantae
Klado: Angiosperms
Klado: Eudicots
Klado: Core eudicots
Klado: Superrosids
Klado: Rosids
Klado: Malvids
Orden: Myrtales
Pamilya: Myrtaceae
Subpamilya: Myrtoideae
Tribo: Syzygieae
Genus: Syzygium
Espesyes:
S. samarangense
Ngaran binomyal
Syzygium samarangense
Sinonimo
  • Myrtus samarangensis Blume
  • Jambosa samarangensis (Blume) DC.
  • Eugenia samarangensis (Blume) O.Berg
  • Myrtus obtusissima Blume
  • Jambosa obtusissima (Blume) DC.
  • Eugenia alba Roxb.
  • Jambosa alba (Roxb.) G.Don
  • Jambosa ambigua Blume
  • Jambosa timorensis Blume
  • Eugenia mindanaensis C.B.Rob.
itsura kan makopa sa haranihan

An makopa (Syzygium samarangense(Blume); Ingles, Tersana rose apple) sarong kahoy na nagbubunga asin sakop kan pamilyang Myrtaceae. Ini tubong tal sa Greater Sunda Islands, Malay Peninsula, Andaman, asin sa mga Isla nin Nicobar alagad luminakop na sa tropiko. Ini may bungang hitsurang kampanilya, na an kolor naputi, napusaw na berde, berde, pula, lila, mairom na pula, rosa, o itom ngani kun minsan, alagad kolor puti an laog. Iba pang apod kaini sa Ingles: Java apple, Semarang rose-apple, asin wax jambu.[2]Sa Kastila, apod kaini manzana de agua.

Hitsura[baguhon | baguhon an source]

An makopa sarong nagbubungang kahoy nalangkaw 12 metro na may dahon 10-25 sm an laba asin 5-10 sm an pakalakbang. An mga burak kaini puti, 2.5 sm an diametro, na may apat na bukadkad. An prutas mala-kampanilya hitsura, pwedeng kakanon, naiba-iba an kolor kaini depende sa specie. An mga burak asin bunga kaini bako sana natunga sa mga poro kan giriw na sanga kundi maski saen na parte kan kahawakan o mga kasasangahan kaini. Kun ini magurang na, makusog nang mamunga asin ta pwede magpaluwas nin abot 700 na prutas.[3]

An prutas kaini harayo sa namit sa mansanas asin mas nakakaagid sa watermelon, matubigtubig, medyo bunhak o bakong dusok asin sa balodbod kaini yaon nakakaag an saiyang pisog.

Pagkakan[baguhon | baguhon an source]

Ini bilang kakananon, ginagamit sa pagtimplang salad o inaatsara o pwede man rangoton sa saiyang pagkahinog na mayo nang inagihan na proseso.

Bulong[baguhon | baguhon an source]

An mga burak maanta' asin sa Taiwan ginagamit pampaampat nin pagbugris asin pampakulpa nin kalentura. An mga parasaligsig, nadukayan na an prinsipal na kabagsikan kaini iyo an tannin dinadara niya. May maluya siyang pwersa panlaban antibiotiko sa Staphylococcus aureus, Mycobacterium smegmatis, asin Candida albicans.[4]

Hilnga man[baguhon | baguhon an source]

Toltolan[baguhon | baguhon an source]

  1. [Kasalaan nin pagpapasabot: Dae rekonosidong panbalangkay na karakter an "[". "Syzygium samarangense"] Check |url= value (help). Royal Botanic Gardens, Kew. Retrieved 16 July 2018. 
  2. https://npgsweb.ars-grin.gov/gringlobal/taxonomydetail.aspx?312990 Kinua 20-6-16
  3. https://hort.purdue.edu/newcrop/morton/java_apple.html Kinua 20-16-6
  4. http://www.ajbpr.com/issues/volume1/issue4/FINAL%2022.pdf Archived 2016-03-04 at the Wayback Machine. Kinua 20--16-6