Malcolm Mintz

Si Malcolm Warren Mintz sarong Amerikanong linggwista asin propesor. Siya tapos PhD Linguistics sa University of Hawaii, asin minor na adal sa Southeast Asian Studies. Nagtokdo na siya nin Linguistics sa Universiti Sains Malaysia (Penang) kun saen siya nagpoon pag'adal nin Malayu. Nagin man siya propesor sa Murdoch University sa Perth asin igdi naghaman siya nin programa sa pag'adal kan lenggwaheng Malayu asin Indones.

Nagin man siyang Honorary Research Fellow sa University of Western Australia (Perth) sa Departamento kan Southeast Asian Studies.

Siya man nagtokdo na sa Estados Unidos, sa Filipinas, asin sa Papua New Guinea. Nag'adal siya asin nagsukit kan mga lenggwahe igdi sa Filipinas arog kan Bikol asin kan Malayu asin Indones na tataramon. Pira nang libro an saiyang napalagda' dapit sa mga tataramon na Bikol, Malayu asin Indones.

Sa tataramon na Bikol tolong edisyon kan saiyang diksyunaryo an saiyang napalagda' na: an Bikol-English Dictionary na pinublikar kan University of Hawaii Press kan taon 1971. An ika-2ng edisyon kan nasabing libro pinublikar kan taon 1985 kan New Day Publishers igdi sa syudad kan Quezon, Filipinas asin sa edisyon na ini katuwang niya si Jose Del Rosario Britanico. Napalagda' ini sa titulong, Bikol-English dictionary: Diksionariong Bikol-Ingles.

An ika-3ng edisyon napalagda' kan taon 2004 sa Uniprint, Perth, Western Australia asin ini sa duwang tomo. An enot na tomo English-Bikol Index, asin an ikaduwang tomo Bikol-English Dictionary. Sarong naiiba igdi sa edisyon na ikatolo iyo an pagtampok asin pagsaliot niya kan mga entri na napalaman sa Vocabulario de la Lengua Bicol ni Marcos de Lisboa, obra na hinaman kan pading prayleng Franciscanong ini kan ika-17ng siglo.

Mga iba pang librong napalagda

• READINGS IN INDONESIAN CULTURE: Bacaan Kebudayaan Indonesia (1996)
• Listening Comprehension: Selections from Malaysian and Indonesian History (1996)ISBN 9971006774 (9971-0-0677-4)
• A Course in Conversational Indonesian: With Equivalent Malay Vocabulary (1998)SBN 9971004534 (9971-0-0453-4)
• An Indonesian and Malay Grammar for Students (2002)
• Readings in Indonesian Culture (?)ISBN 9971006804 (9971-0-0680-4)
• Bikol dictionary, (PALI language texts: Philippines) (1971)
• A Course in Conversational Malay: With Equivalent Indonesian Vocabulary (1997) ISBN 0958038376 (0-9580383-7-6)
• A Student's Grammar of Malay and Indonesian (1994) ISBN 9971003988 (9971-0-0398-8)
• Guided Writing for Students of Indonesian and Malay: With English-Indonesian/M... and Indonesian/Malay-English (2007)
• Advanced Writing for Students of Malay Indonesian (1993) ISBN 9971003406 (9971-0-0340-6)

Mga papel na binasa sa mga kumperensya

• 'Insights into pre-hispanic Bikol society,' papel binasa sa ika-4 na International Philippine Studies Conference, ANU, Canberra, Australia (1992)
• Terms of Religious Adaptation: The Introduction of Christianity to the Bikol Region of the Philippines (2006) 2006, sa Puerto Princesa, Filipinas

Mga panluwas na takod

• [3] Archived 2019-08-05 at the Wayback Machine.Intersections: Mintz, Malcolm. Gender and Sexuality in Asia and the Pacific.ISBN:978-0-646-56819-5