Maningning Miclat

Gikan sa Bikol Sentral na Wikipedia, an talingkas na ensiklopedya
Maningning Miclat
Kamundagan(1972-04-15)Abril 15, 1972
Beijing, China
KagadananSeptyembre 29, 2000(2000-09-29) (edad 28)
Sampaloc, Manila, Philippines
Alma materUniversity of the Philippines Diliman
TrabahoPoet and painter
Sadiring-taoMario Miclat (father)
Alma Miclat (mother)
Banaue Miclat Janssen (Younger sister)

Si Maningning Miclat (Abril 15, 1972 – Septyembre 29, 2000) sarong Pilipinong pararawit asin pintor na ipinangaki sa China sa mga Pilipinong magurang. Sya bantog para sa saiyang mga pintang Chinese bamboo Zen siring man sa saiyang rawitdawit.

Biograpiya[baguhon | baguhon an source]

Si Miclat ipinangaki sa Beijing, China kan Abril 15, 1972 sa Badjao na mga magurang na nakabase duman dati. Igwa siya nin huben na tugang na babae, si Banaue, na magigin sarong nagpopoon na parakanta nin opera in Syudad nin New York. Naghali sa Filipinas kan 1969 an saiyang pamilya durante kan panahon ni Marcos asin nagpasiring sa China kan 1971. Taon 1986, sya asin an saiyang pamilya buminalik sa Filipinas pakatapos kan People Power Revolution. Huli ta ipinangaki sa China, siya nakakataram nin tulong lengwahe, na iyo an Mandarin Chinese, Tagalog, asin Ingles.

Kan 1987, ipinublikar niya an saiyang inot na libro nin mga rawitdawit, Wo De Shi (An sakong mga Rawitdawit), sa Mandarin Chinese,[1] asin ginibo an saiyang inot na solo show kan tradisyunal na Chinese painting, Maningning: An Exhibit of Chinese Brush Works.[1] Nagkaigwa pa siya nin apat pang solo shows kan nagbubuhay pa.

Si Miclat nagin Fellow kan University of the Philippines National Writers Workshop kan 1990 asin nanggana nin premyo para sa Filipino play duman.[1] Sya nagin man saro sa mga Fellow kan Silliman National Writers Workshop.

Kan1992, siya nanggana nin mayor na premyo gikan sa Art Association of the Philippines para sa sarong pinta na may titulong Trouble in Paradise, asin an saiyang ikaduwang libro nin mga rawitdawit, Voice from the Underworld, saro sa nagin pinalista sa 2001 National Book Award.

Si Miclat nagklase sa University of the Philippines Diliman tanganing magkua nin Master's degree sa Fine Arts dangan nagtukdo sa Far Eastern University.[1]

Kagadanan asin Pamana[baguhon | baguhon an source]

Taon 2000, sa edad na 28, siya tuminagbang gikan sa ikapitong eskalon kan Education Hall Building kan Far Eastern University sa Manila kun sain siya nagtutukdo kaidto.[2] Kan 2001, itinugdas an Maningning Foundation bilang pagrumdom sa saiya tanganing irukyaw an mga talento kan mga huben na mga artista sa arte biswal asin pagsurat.[3]

Rawitdawit asin mga Publikasyon[baguhon | baguhon an source]

Excerpt from Why The Mural?

Beside this poem
is a prayer
frozen in the acrylic paints.

Beside this poem
is a mural
- a desire for space.

Maningning Miclat Poems[4]

Toltolan[baguhon | baguhon an source]