Jump to content

Manneken Pis

Gikan sa Bikol Sentral na Wikipedia, an talingkas na ensiklopedya

An Manneken Pis ('Sadit na Lalaking Nag-iihi'; Dutch: [ˌmɑnəkə(m) ˈpɪs] (Manongod sa tanog na ini dangogon)) iyo an landmark[1] na bronseng eskulturang fountain sa central Brussels, Belgium, naglaladawan nin puer mingens; sarong hubang pulos na aking lalaki na nag-iihi sa palanggana kan fountain. Sa bilog niyang pag-eksister attested amay pa sa katahawan kan ika-15 na siglo,[2] iyan dinisenyo giraray kan Brabantine na skultor na si Jérôme Duquesnoy the Elder asin ibinugtak sa lugar kaidong 1618 o 1619.[3][4] An saiyang gapong niche sa estilong rocaille igwa nin petsa na poon sa 1770.[5]

An Manneken Pis pirming hinahabon o nadanyaran sa bilog na kasaysayan. Poon 1965, sarong replika an ibinugtak,[6] na an orihinal nakatago sa Brussels City Museum. Iyan an saro sa bantog na simbolo kan Brussels asin Belgium, nakakataong inspirasyon sa nagkapirang imitasyon asin kaagid na estatwa.[7][8] Regular an pigura na sinasanglian nin gubing asin an saiyang sanglian kompwesto nin haros sanribong manlaenlaen na kostum. Huli sa saiyang naturalesa na self-derisive, iyan man an halimbawa kan belgitude (Pranses: lit.'Belgianness'),[9] siring man bilang folk humor (zwanze) bantog sa Brussels.[10][11]

Toltolan[baguhon | baguhon an source]