Manuel Jardim
Si Manuel de Azambuja Leite Pereira Jardim (6 Nobyembre 1884, Montemor-o-Velho – 7 Hunyo 1923, Lisbon) sarong Portuges na pintor asin maestro sa arte.
Biograpiya
[baguhon | baguhon an source]Siya namundag sa sarong aristokratikong pamilyang burges gikan sa Coimbra asin nag'adal sa "Escola de Belas-Artes" (ngonyan nasaro na sa University of Lisbon) poon 1903 abot 1905, dangan nagpasiring sa Paris kaiba si Manuel Bentes asin si Eduardo Viana.[1]
Siya nag'adal sa Académie Julian ki Jean-Paul Laurens, kun saen siya naimpluwensya kan mga trabaho na Eugène Carrière asin Édouard Manet. Kan 1911, siya nagpa-eksibit sa Salon kan saiyang pinturang "Le Déjeuner" (Pamahaw).[1] Durante kan panahon niya, siya nagparabyahe man sa Alemanya, Italya, asin Espanya. Pagbalik niya nagtampok siyang mayor na eksibit sa Salon d’Automne.
Siya nagbalik sa Portugal kan 1914 asin nagbukas nin sadiring art school sa Coimbra. Manta yaon duman, nakisumaro siya ki arkitektong si José Pacheko sa paghimoyaot na makatugdas nin "Sociedade Portuguesa de Arte Moderna", alagad mayong nangyari igdi.[1] Kan 1920, yaon naman siya sa Paris, alagad duman nagsarong taon sana siya asin nagbalik sa lugar niya kan siya mahilingan na may helang na tuberculosis. Nagadan siya pakalihis duwang taon kaini.
Dagdag pa sa mga pinta niya, siya nag'ambag mga ilustrasyon sa mga magasin na Contemporânea asin Serões. Kan 1925, an amigo niyang si Viana pigtawan siyang onra sa pag'eksibit mayor nin mga pinta niya sa "Sociedade Nacional de Belas-Artes", kasabay an mga obra ni Amadeo de Souza-Cardoso asin ni Santa-Rita Pintor; mga pintor na nagkagaradan man hubin pa.[1] Mga paeksibit na dugang ginibo pa sa taon na 1974 asin 2011. Kadakulan kan saiyang mga pinta natiti'mos sa Museu Nacional de Machado de Castro poon pa 1952.
Toltolan
[baguhon | baguhon an source]- ↑ 1.0 1.1 1.2 1.3 Brief biography @ Infopédia.
Dagdag na basahon
[baguhon | baguhon an source]- Pedro Miguel Ferrão, Manuel Jardim: memória de um percurso inacabado, 1884 - 1923, Ed. Câmara Municipal de Montemor-o-Velho, 2013 ISBN 989-96835-3-1
- Henrique de Vilhena, A vida do pintor Manuel Jardim, Portugália-editora, 1945
Mga panluwas na takod
[baguhon | baguhon an source] |
An Wikimedia Commons igwa nin medya dapit sa Manuel Jardim. |
- "Memória de um percurso inacabado" Archived 2016-03-17 at the Wayback Machine., an appreciation of Jardim by Júlia de Sousa @ the University of Coimbra.
