Marcela Marcelo

Marcela Marcelo
Kamundagan	1869 Malibay, Pasay
Kagadanan	March 21, 1897 Dasmariñas, Cavite
Dahilan kan kagadanan	Laban kan Pasong Santol
Organisasyon	Katipunan
Paghiro	Rebolusyon nin Filipinas
Agom	Quirico Lugo

Si Marcela Marcelo (1869 - Marso 21, 1897) sarong Filipinang heneral na nakipaglaban durante kan rebolusyon kan nasyon tumang sa pamamahala kan mga Kastila. Siya inapod na Selang Bagsik (Fierce Sela) para sa saiyang kaisogan.

Buhay

Namundag si Marcelo kan 1869 sa Malibay, Pasay. Kabilang siya sa sarong mayaman na pamilya na may sadiring umahan nin areca nut. Pinakasalan niya si Quirico Lugo, taga-Aguho, Pateros, asin nagkaaki sinda nin sarong aking lalaki.

Bilang Babaing Rebolusyonaryo

Sarong aldaw, an agom ni Marcelo inarestar kan mga guardia sibil. Siya tuninong na nagmasid kan an saiyang agom kuanon, na dai nananangis ni nagpoprotesta. An agom ni Marcelo miyembro kan Katipunan asin kun siring siya dinakop. Tinutubod na pagkabihag sa saiya mismo, ipinagkatiwala niya sa saiyang tugang na babae an saiyang aking lalaki asin naghagad sa mga rebolusyonaryo na atakehon an mga Espanyol sa saindang mga trintsera. Minsan siring, mapangganang ginadan kan mga Espanyol an saiyang agom. Poon kaidto, si Marcelo nagin aktibo sa Katipunan bilang sarong heneral, na nanginginot na rebelyon. Ini bihira asin dai linalaoman para sa sarong babae alagad huling nahiling kan mga kalaban an saiyang pakikilaban, inomaw siya bilang Selang Bagsik. Si Marcelo nagtiripon asin nagsanay sa hoben na mga miyembro kan Katipunan na igwang edad poon 14-18 anyos. Nahimo man niya asin inorganisar an pag-ataman sa nalugadan na mga miyembro kan Katipunan sa Bulacan.

Pagkagadan

Monumento ni Marcela Marcelo–Lugo

Pangkasaysayan na pananda ni Marcela Marcelo–Lugo

Kan 1897, nagadan si Marcelo sa Laban kan Pasong Santol sa Dasmariñas. Giniyahan niya an sarong tropa nin soldados na maghidali pasiring sa sentro kan hukbong Kastila, alagad nabadil sa payo kan mga Espanyol si Marcelo.

An dating kahilom ni presidente Emilio Aguinaldo, na si Carlos V. Ronquillo, ilinadawan si Marcelo bilang:

One of our platoons was led by a woman of great courage: a middle-aged married woman who had a child, a woman from Pasay (if we were not mistaken), who was always in the heat of the battle, with no weapons but a bolo. She died a heroine when the Spanish trenches were taken in Pasong Santol. This action so frightened the Spaniards that they ran and was driven by the infantry and Tagalog volunteers...

— Carlos V. Ronquillo, Some Minutes of the Revolution of 1896 – 1897

Mga Pagromdom

Sarong busto ni Marcelo an itinugdok sa plaza nin Malibay bilang paggiromdom sa saiya. Yaon ini sa atubangan kan mayor na tinampo, an C. Joseph Street.

An sarong paadalan an inginaran man ki Marcelo: an Marcela Marcela Elementary School, na yaon man sa saiyang ginikanan na banwaan, an Malibay.