Maria de Lourdes Sá Teixeira
| Maria de Lourdes Sá Teixeira | |
|---|---|
| Ladawan:MariadeLourdesSaTexeira.jpg | |
| Kamundagan | 19 Oktobre 1907 |
| Kagadanan | 19 Hulyo 1984 (edad 76) |
| Nasyunalidad | Portuguese, |
| Midbid bilang | Pinakaenot na babaeng Portuges nakakua nin lisensya sa pagpilotong eroplano |
Si Maria de Lourdes Braga de Sá Teixeira (19 Oktobre 1907 - 19 Hulyo 1984) sarong abyador na Portuges, asin siya an pinakaenot na babae nata'wan nin lisensya sa Portugal sa pagpalayog nin eroplano, sa edad na 21.
Namundag sa may kaya-kayang pamilya, asin midbid sa gaha' na “Milú”, si Sá Teixeira aki ni Afonso Henriques Botelho de Sá Teixeira, sarong koronel medikal. An ama niya habong gayo siya magin piloto, na magpalupad nin eroplano. Alagad kan ini naghehelang-helang huli dai mautob saiyang minamawot, an ama niya nagtugot na logod na siya mag'adal pagpiloto, asin ta logod bilog na an saiyang suporta igdi sa aki niya. An saiyang maestro iyo si Francisco Craveiro Lopes na ini ngani magin man ika-12ng presidente kan Portugal ultanan nin 1951 asin 1958. Sinasabi na an maestrong Lopes naghanga nanggad kan igot ni Sá Teixeira na makanood, si Lopes ginibo an gabos na siya makakua kan gabos na training ngani siya makakua kan lisensya.[1][2]
Kan matapos niya an training, siya nata'wan nin pilotong lisensya kan 6 Desyembre 1928, na saiyang napalayog an single-engined Caudron G.3 biplane, sa Escola Militar de Aeronáutica namumugtak sa Sintra. Sa pinal na eksam, siya nagpalayog sa presensya kan saiyang ama asin ni Carlos Bleck na ini man ngani tolong taon nagtalikod, iyo an enot na nakakua nin non-militar na lisensya sa Portugal. Si Bleck pigrepresentar an Aero-Club de Portugal, na natugdas kan 1909. Presente man sa saiyang eksam iyo an Gobernador Sibil nin Lisbon asin iba pang mga opisyales kan air force.[1][2]
Si Sá Teixeira pormal na ginawadan kan saiyang lisensya sa Ninth Annual Meeting kan Aero-Club de Portugal. An saiyang determinasyon na makamit saiyang minamawot nakaapod nin atensyon sa National Council of Portuguese Women (CNMP), na nagtotolod sa pantay na trato sa mga babae. An ginibo kaini nagkampanya na makaamot nin pondo sa pagbakal sadiri niyang eroplano. Alagad, an natipon dai man nakasapar sa pagbakal kan eroplano. Maski siring, an kampanya nakaapod nin kanigoan na atensyon sa luwas asin laog kan Portugal dapit sa isyu nin parantay na deretso nin babae asin lalaki.[2][3]
Sa haros duwang dekada, si Sá Teixeira sana an may autorisasyon sa Portugal na magpalayog eroplano. Nag'ayaw nin 19 saka may suminunod na babae, si Maria Ghira na opisyalmenteng nakakua nin pilotong lisensya pangsibilyan. Kan 1994 an sarong babaeng Portuges man, si Paula Costa, an nakakamit nin lisensya para sa Portuguese Air Force.[4]
Si Maria de Lourdes Braga de Sá Teixeira dai man parati nakakapagparapalupad nin eroplano maksi may lisensya na. siya nagadan sa edad na 76, kan 19 July 1984. Sa pagselebrar kan saiyang ika-85ng anibersaryo niya sa pagpalupad, an Lisbon City Council pigngaranan an sarong hardin saiya sa paroko nin Olivais (Jardim Maria de Lourdes Sá Teixeira, na ini yaon sa subangan kann aeropwerto nin Lisbon.[1][2]
Toltolan
[baguhon | baguhon an source]- ↑ 1.0 1.1 1.2 Vaz Pinto, Catarina. "Maria de Lourdes Sá Teixeira" (PDF). Comissão Municipal de Toponomía. Archived from the original (PDF) on 5 July 2017. Retrieved 23 May 2020.
- ↑ 2.0 2.1 2.2 2.3 Lousada, Isabel (March 2010). "Maria de Lourdes Braga de Sá Teixeira: vencendo a força da gravidade combate estereótipos". Mais Alto 384: 17–23. https://maisalto5.emfa.pt/conteudos/galeria/revista384/a_695.pdf. Retrieved on 23 May 2020.
- ↑ "9 Trailblazing Portuguese Women You Should Know". Google Arts and Culture. Retrieved 22 May 2020.
- ↑ "6 Mulheres menos conhecidas que mudaram a história de Portugal". SAPO. Retrieved 23 May 2020.
[[Kategorya:Mga Feministang Portuges]