Marie Curie

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

Plantilya:Infobox scientistPlantilya:Infobox scientist

Si Marie Sklodowska Curie, pinangaki bilang si Salomea Sklodowska, pigmundag kan Nobyemre 1867 asin nagadan man kan Hulyo 4, 1934. Siya sarong Polish asin naturalized-French physicist asin chemist na nangenot sa pag-adal kan radioactivity. Siya an primerong babayi na natawan nin onra sa Nobel Prize, an inot na babaying nanggana nin duwang beses, asin an solamenteng nanggana nin Nobel Prize sa duwang magkaibang siyensya. Siya parte kan Curie Family Legacy[1] na igwang limang premyo sa Nobel. Siya man an primerong babayi na nagin propesora sa Unibersidad kan Paris.

Pigmundag siya sa Warsaw, na mas midbid kaidto bilang Kingdom of Poland, parte kan imperyong Ruso. Nag-adal siya sa Flying University sa Warsaw asin pinunan an scientific training niya igdi. Kan 1891, sa edad na 24, pigsundan niya an saiyang matuang tugang na si Bronislawa tangani na mag-adal sa Paris. Igdi niya nakua an saiyang mga "degrees" asin nagkonduktar nin mga "scientific works". Kairiba an saiyang agom na si Pierre Curie asin an physicist na si Henri Becquerel, ginana ninda an "Nobel Prize in Physics" kan 1903. Ginana niya man an "Nobel Prize in Chemistry" kan 1911.

Kairiba sa saiyang mga akomplisimyento iyo an pagpatalubo kan teorya sa "radioactivity" (sarong terminong siya an kaggibo), sarong teknik sa pagsuway sa "radioactive isotopes, an pagkadiskubre sa duwang elemento, "polonium" saka "radium". Sa saiyang pag-giya, an inot na pag-adal kan kinaban sa pag-tratar kan "neoplasms" kinundoktar gamit an "radioactive isotopes". Siya an nagmukna kan "Curie Institutes" sa Paris asin sa Warsaw, na poon kaidto nagi na nin mayor na sentro kan mga pagtuklas medisina. Kan primerong gerang pangkinaban, siya nag gibo nin mga "mobile radiography units" tangani na magtao nin "X-ray" services sa mga panluwas na ospital.

Mantang siya "citizen" pa sa Pransya, si Marie Skłodowska Curie, na naggagamit kan duwang apelyido, dai man giraray nawara an saiyang pagbisto sa saiyang "Polish Identity". Tinukduan niya an mga aki niya nin "Polish" na lenggwahe asin dinadara niya man an mga ini sa Poland. Pinangaranan niyang "Polonium" an saiyang inot na nadiskubreng elemento, base sa saiyang pinaghalian na nasyon.

Kan 1934, nagadan si Marie Curie sa edad na 66, sa sarong "sanatorium" sa [./https://en.wikipedia.org/wiki/Sancellemoz Sancellemoz] ([./https://en.wikipedia.org/wiki/Haute-Savoie Haute-Savoie]), France, huli sa hilang na aplastic anemia. Ini gikan sa halawig niyang pag-atubang sa mga "radiation" sa lawig kan saiyang "scientific research" asin sa dalagan kan saiyang "radiological work" sa mga panluwas na ospital kan primerong gerang pangkinaban.

  1. http://www.todayifoundout.com/index.php/2011/11/marie-curies-immediate-family-won-a-total-of-five-nobel-prizes/