Marina Skugareva
| Marina Skugareva | |
|---|---|
 | |
| Kamundagan | 2 Marso 1962 Kyiv, Ukraine |
| Nasyunalidad | Ukrainian |
| Midbid bilang | oil painting |
| Paghiro | contemporary art |
Si Marina Skugareva (Ukrainian: Марина Вадимівна Скугарєва , namundag 2 Marso 1962) sarong Ukranyong pintor, partisipante kan Ukrainian New Wave sa kontemporaryong arte.[1]
Biograpiya
[baguhon | baguhon an source]Siya aki kan peryodistang si Oha Garitskaya asin arkitektong si Vadym Skuharev, na iyo an pamayo kan decorative and applied arts (departamento kan graphic arts) sa Dagestan state teacher training institute (Makhachkala, Dagestan ASSR) poon kan 1973.
Kan 1974 si Marina naglaog sa Kyiv Republican Art School. Kan 1981, naggradwar sya sa Dzhemal Dagestan art school. Poon 1982-1988 siya nag-adal sa Lviv State Institute of Decorative and Applied Arts (ngunyan Lviv National Academy of Arts, Departamento kan Art Textiles.)
Kan 1988, naagom niya an pintor na si Oleh Tistol asin naghale sa Moscow kaiba ninda an mga parapintang sina Kostantin Reunov asin Yana Bystrova. Duman sinda nag-istar asin nagtrabaho sa "Furmanny Lane", asin kahaluyan sa "Trehprudny Lane", kun sain namugtak an bantog na "Gallery at Trehprudny Lane", na minukna ni Konstantin Reunov asin Avdey Ter-Oganyan.
Kan Mayo 1992 si Marina Skugareva asin Oleh Tistol nakaresibi nin mga donasyon hale sa Christoph Merian Stiftung fund sa laog kan programa nin cultural exchange asin naghale pasiring sa Basel, kun saen sinda nag-istar sagkod 1993. Sa Switzerland, nagsali sinda sa nagkapirang eksibit kaiba sina Gia Japaridze asin André Clément. An mga pintor na Suwiso na sina Suzette Beck, Ronald Wüthrich, asin Ilse Ermen nagin marhay na amigo ni Marina asin kan huri nagin mga heroe kan saiyang mga pininturang ladawan.
Poon 1993 si Marina Skugareva nag-istar asin nagtrabaho sa Kyiv.
Gibo
[baguhon | baguhon an source]Poon kan huring mga taon kan 1980, si Marina Skugareva regular nang nagpartisipar sa mga eksibit nin modernong arte sa Kyiv, Moscow, Warsaw, Basel, Berlin, Odense. An saiyang mga gibo parte kan sarong "new wave" - sarong paghiro na pig-aayon an arte sa postmodernismo, na binabago an tradisyonal na Ukranian art.
Saro sa mayor na tema kan arte ni Marina Skugareva an hubang pigura nin tawo sa laog kan espasyo. An pagpahayag ni Marina bako lang an mga nahihiling na emosyon, alagad sarong paghanap sa "ibang punto de vista", sarong pagpreserbar kan "totoong presenteng buhay" sa espasyo kan arte.
An mga inot niyang gibo ("Nocturnal Kyiv" (1988), "Der Vogel" (1990), "Poison Ivy" (1992)) harani sa transavantgarde na arte.
Gawad
[baguhon | baguhon an source]- 1995. Ukraine. An ganador sa "Great Ukrainian Women Artist".
Mga Koleksion
[baguhon | baguhon an source]- The art museum of Zaporizhzhia, Ukraine
- Moscow House of Photography, Russia
- SK Johnson Kyiv Corp., Ukraine
- Municipal gallery of Odense, Denmark
- Fund Christoph Merian Stiftung, Basel, Switzerland
Reperensya
[baguhon | baguhon an source]- ↑ "Marina Skugareva". Strange Time (in English). Archived from the original on 2020-06-16. Retrieved 2020-05-28.
Iba pang babasahon
[baguhon | baguhon an source]- Sklyarenko G. Small Big World of Marina Skugareva // FINE ART. — 2009. — № 1
- Sklyarenko G. New Ukrainian Wave. (Нова українська хвиля ) // Українська нова хвиля.-2009
- О. Martynyuk. Nightingale and rose. (Соловей і троянда) // ART - UKRAINE.- 2009.- №3
- XX artists of Ukraine 2000 (End of the Century). - 2001