Jump to content

Marius Bunescu

Gikan sa Bikol Sentral na Wikipedia, an talingkas na ensiklopedya
Marius Bunescu
Bunescu mahihiling sa 1981 na Rumanong post card
Kamundagan(1881-05-15)Mayo 15, 1881
Caracal, Romanați County, Kahadean nin Romania
KagadananMarso 31, 1971(1971-03-31) (edad 89)
Bucharest, Socialist Republic of Romania
Lulubngan
Bellu Cemetery, Bucharest
NasyunalidadRumano
Alma materAcademy of Fine Arts, Munich
Midbid bilangPagpintura
AgomMagda Bunescu
Mga gawadOrder of Cultural Merit (ro), Knight rank
Order of the Crown, Commander rank
Marius Bunescu 1981 Romanian stampz

Si Marius Bunescu (15 Mayo 1881 – 31 Marso 1971) sarong Rumanong pintor, tagatugdas kan National Museum of Art, asin direktor kan Museong Anastase Simu.

Si Bunescu namundag sa Caracal, Romanați County, aki ni Ioniță Bunea, sarong panday.[1] Siya nagpoon kan saiyang training kan 1904–1906 ki Dimitrie Hârlescu sa Constanța, na pakatapos igdi, siya nagpasiring sa Munich ta duman nag'adal sa Academy of Fine Arts, kun saen siya nakitrabaho ki Hermann Groeber. Enot na siya nagpamidbid kan saiyang trabaho kan 1911 sa Official Salon nin Bucharest, asin an enot niyang personal na eksibit iyo kan taon 1919, sa Minerva Library. Kan 1924 siya nag'eksibit kan magkapirang pintura duman sa Romanian pavilion, durante kan Venice Biennale na piyesta sa arte; siya nagbalik pa sa pag'eksibit igdi sa Biennale kan 1942 asin 1954.

Nagpoon siya kan saiyang karera administratibo kan 1920, na nangagin siyang direktor kan Museo Anastase Simu, asin ngapit pakagadan kan si art collector kan 1935, duman naman sa Simu Memorial House. Kan 1921, si Bunescu nag'ayon sa pagtugdas kan Fine Arts Union (ro), na duman siya napiling kahilom, asin poon 1923 abot 1927 siya nagin presidente kan unyon. Naresibi niya an National Prize for Painting kan 1938, asin kan 1940 nagawaran siya kan Order of Cultural Merit (ro), ranggong Knight. Kan 1941 siya nagawadan naman kan Order of the Crown, ranggo Commander.[2] Kan 1944 siya nagsurat kan biograpong adal ki Anastase Simu.[3] Pakalihis duwang taon, si Bunescu iyo an nangengenot sa paghiro sa pagbukas kan art gallery sa high school sa Caracal; an galeriya ngonyan dinadara an saiyang pangaran.[4] Kan 1949 siya na an namahala kan Picture Gallery sa National Museum of Art.[5]

Siya nakasal ki Magda, asin nagkaigwang duwang aking lalaki, Preda (na nagkampi sa Alemanya, asin nagtrabaho sa Radio Free Europe), asin Udrea (sarong doktor na nagpaBelgium na).[6]

Si Bunescu nagadan sa Bucharest kan 1971 asin nalubong sa Romanian Orthodox Sementeryong Bellu.

Siya asin mga pintura niya nagluwas sa mga selyo pinaluwas kan Poșta Română: Venice paintings (1.55 and 6.40 lei, 1972), Construction Area painting (20 bani, 1973), Portrait (2.15 lei, 1981), Danube at the Cazan painting (2.80 lei, 2019).

Galeriya

[baguhon | baguhon an source]
  • Pintura ni Bunescu sa selyo 1973
    Pintura ni Bunescu sa selyo 1973
  • Pintura sa selyo 1972
    Pintura sa selyo 1972
  • Pintura sa selyo 1972
    Pintura sa selyo 1972

Toltolan

[baguhon | baguhon an source]
  1. ↑ Simona Rotaru (19 December 2012). "Marius Bunescu, olteanul care a organizat Muzeul Național de Artă". www.gazetanoua.ro (in Romanian). Retrieved April 24, 2021. 
  2. ↑ "Decretul Regal nr. 3.100 din 7 noiembrie 1941 pentru conferiri de decorații", Monitorul Oficial (in Romanian), CIX (266, part I): 6.998, 8 November 1941 
  3. ↑ Marius Bunescu (1944), Actele Fundației Anastase Simu (in Romanian), București: M. O. Imprimeria Națională, OCLC 895206997 
  4. ↑ "Istoric". www.ionita-asan.ro (in Romanian). Ioniță Asan National College. 30 January 2015. Archived from the original on 23 April 2021. Retrieved April 24, 2021. 
  5. ↑ Peleanu, Georgeta (1971), "Marius Bunescu (1881–1971)", Revista Muzeelor, 3: 279, retrieved August 18, 2022  Unknown parameter |lang= ignored (|language= suggested) (help)
  6. ↑ Jeana Pătru (2016). "Pinacoteca "Marius Bunescu" – Album" (in Romanian). Editura Koffman. p. 24. Retrieved April 24, 2021. 

Mga panluwas na takod

[baguhon | baguhon an source]
An Wikimedia Commons igwa nin medya dapit sa Marius Bunescu.
Kinua sa "https://bcl.wikipedia.org/w/index.php?title=Marius_Bunescu&oldid=262169"