Marupit

An Marupit saro sa treseng barangay kan Camaligan, Camarines Sur. An ngaran na Marupit gikan sa tataramon na rupit na an boot sabihon "basa sa tubig uran. An mga enot na nakaistar sa lugar na ini inaapod an lugar na Marupit nin huli ta an mga gikan digdi pirming basa sa dahilan na an mahiwas na porsyon kan daga digdi malaboy, asin pirming lubog sa tubig kabali na an mga agihan na ba'sog.

Kapilya sa Marupit

An Marupit Chapel matatagbuan sa Zona 2 kun saen an dating sukol na 5 by 4 metros na kaini pinahiwas pa kan indinonar an lote ni Patricio Maguigad, sarong US World War Veteran. An mga poste kaini gibo sa kahoy na homawon asin an lanob gibo sa galbanisadong lata. An patron kan kapiyestahan siniselebrar dati kada Abril 5 alagad ibinalyo ini sa ika-30 kan Abril. Ginagamit man an chapel kadto bilang lugar kan mga nag-aadal nin cartilla.[1] Archived 2023-02-01 at the Wayback Machine.

Kamposanto sa Marupit

An Marupit Cemetery na matatagbuan sa Zona 4 iyo an pampublikong kamposanto na idinonar sa munisipyo kan pamilya Trinidad.

Eskwelahan sa Marupit

An Marupit Elementary Schooll matatagboan naistablizar kan 1964.

Mga Simbahan sa Marupit

igwang duwang simbahan sa Marupit. An enot iyo an an The Church of Jesus Christs of the Latter-Days Saints na matatagboan sa Zona 4 asin an Kingdom Hall of Jehova's Witnesses na matatagboan sa Zona 5.

Mga Nagserbing Kapitan kan Marupit

Macario Sergio (1967-1971)

Panfilo Abias (1971-1984)

Antonio Francisco (1984-1989)

Antonio T. Maguigad (1989-2001)

Ronald Valerio (OIC, 2001-2002)

Corazon SJ. Jesoro (2002-2007)

Purificacion M. Caudilla (2007- )

Norberto Abad ( )

Delia Mansor ( - hanggan sa presente)