Mary Racelis

Si Mary Racelis-Hillsteiner (namundag 1932) sarong Pilipinong sosyologo, antropologo, asin development worker. Naging miyembro kan faculty sa Ateneo de Manila University sa Pilipinas poon pa kan 1960, pinaka-inot siya na babaeng propesor sa unibersidad.

Sa presente sarong research scientist sa Institute of Philippine Culture kan Ateneo de Manila University. An mga interes niya sa pagsiyasat kaiba an kadukhaan, pagiging urbanisado, sosyedad sibil, asin pag-uswag kan komunidad.

Amay na Buhay asin edukasyon

Aki nin sarong Pilipinong ama asin Amerikanong ina, namundag si Racelis sa Manila, Philippines kan 1932. Nagklase siya ning elementarya sa Pilipinas, bago naglipat sa Estados Unidos kaiba an pamilya kun sain siya nakakua sa saiyang diploma sa high school sa New York. Taong 1954, nakua nya an Bachelor of Arts, mayor sa sosyolohiya asin antropolohiya hali sa Cornell University duman sa Ithaca, New York

Taong 1955, nagbalik siya sa Pilipinas kaiba an agom niyang si Helmut Hollsteiner asin nagkua nin Master of Arts sa sosyolohiya sa University of the Philippines Diliman kan 1960.

Karera

Poon 1979 sagkod 1983, nag-ayon sya sa UNICEF sa New York bilang Senior Policy Specialist, Family/Child Welfare and Women's Development (1979-83). Si Racelis naging UNICEF Regional Director sa Este asin Timog Aprika (1983-92). Sa pagbalik niya sa Pilipinas taong 1992 bilang Country Representative kan Ford Foundation (1992-97), nagserbi sya poon pa kan 1997 bilang sarong konsultant sa gobyerno kan Pilipinas, UNICEF, asin manlainlain na internasyonal na ahensya.

Taong 2003-04, siya na-appoint sa Panel kan UN Secrretary General sa United Nations - Civil Society Relations. Nagtrabaho man siya sa mga isyu na sosyo-kultural asin gender para sa pro-poor stable tourism sa Greater Mekong Subregion.

Nagtutukdo sya nin mga kursong sosyolohiya asin antropolohiya sa Ateneo de Manila University asin University of the Philippines Diliman.

Si Racelis sarong miyembro kan board of trustees kan Philippine Rural Reconstruction Movement.

Onra

Taong 1975, an De La Salle University ginawadan siya nin honorary Doctorate sa Social Sciences.

Taong 2003, an Ateneo de Manila University ginawadan siya nin honoraryong Doktor sa Humanidades.

Taong 2001, si Racelis nanggana kan Philippine National Book Award, sa kategoryang Kasaysayan, para sa librong Bearers of Benevolence: The Thomasites and Public Education in the Philippines, na saiyang katuwang sa pagliwat si Judy Celine Ick.

Publikasyon

• Making Philippine Cities Child Friendly: Voices of Children in Poor Communities (2005)
• Bearers of Benevolence: The Thomasites and Public Education in the Philippines, co-edited (2001)