Mayflower

Gikan sa Bikol Sentral na Wikipedia, an talingkas na ensiklopedya
An Mayflower (1620)
An Mayflower nagdangtol sa sima'sima' kan Sola' nin Cape Cod, (retratong satelayt)

An Mayflower iyo an bapor na naghakot kan si mga Ingles na Separatista asin mga Puritano, ngonyan nginangaranan nang mga Pilgrim, hale sa Mayflower Steps sa Plymouth, Inglatierra paduman sa Plymouth, Massachusetts kan taon 1620. May sakay ining 102 na pasahero asin 25-30ng tripulante.


Susog sa National Maritime Museum sa Greenwhich, Inglatierra, an Mayflower gibo sa mga pasaging oak na nag'eedad nang lampas duwang gatos may singkwentang taon asin an sukol niya 80-90 pye an laba saka 24 na pye an lakbang asin an saiyang tahaw na polayagan may langkaw na 80 pye.[1]


Ining bapor ipigngaran sa puting burak kan kahoy na chestnut siring sa uso kaidto na magpangaran kan mga sasakyan sa mga pangaran nin kahoy, mga burak asin mga hayop. Kan ini naglayag an pamayong kapitan iyo si Christopher Jones,[2] asin pangahas nanggad na nagbagtas sa Dagat Atlantiko asin naghale sa Inglatierra Septyembre 6, 1620. Pakalihis nin 66 na aldaw na peligroso asin mapawot na gayong paglayag, kun saen dakul nagherelang asin duwa an nagadan, uminabot ini asin nag'angkla sa iswil kan Cape Cod (Pantalan kan Provincetown) kan Nobyemnbre 21.[3] Kuta an tuyong dumanan kaini iyo an Salog Hudson, harani sa presenteng Nweba York, sa may poro kan Kolonyang Viriginia na natogdas kaidto kan 1607 kan Inglatierra. Nalagalag an Mayflower asin napadpad kan umaboton na an winter kaya naglugar na sana sa Sola' nin Cape Cod. Kan Marso 21/31, 1621 an gabos na nabuhay asin natadang mga pasahero na nagpa'ili sa laog kan bapor pinagmarhay na magdahik sa Plymouth, asin kan Abril 5/15, an Mayflower, sarong pribadong bapor na pig'arkila sana man, nagbalik na sa Inglatierra. Kan taon 1623, sarong taon kan magadan na si kapitan Christopher Jones, an bapor na ini posible pig'urutas na sa pakinabang kan mga pasagi kaini duman sa Rotherhithe, London..[4]

Mga panluwas na takod[baguhon | baguhon an source]

Hilnga man[baguhon | baguhon an source]

Pelikula[baguhon | baguhon an source]


Toltolan[baguhon | baguhon an source]

  1. * "The Mayflower" Popular Mechanics, April 1957, pp. 90-91 cutaway drawing.
  2. * "The Mayflower" Popular Mechanics, April 1957, pp. 90-91 cutaway drawing.
  3. Johnson, Caleb. "The Voyage of the Mayflower". MayflowerHistory.com. Archived from the original on 27 September 2011. Retrieved 5 June 2011. 
  4. "Mayflower Ship Facts". Archived from the original on 2007-04-10. Retrieved 2007-04-26.