Medgoen Singsurat
Si Boonsai Sangsurat, midbid man sa apod na Medgoen Singsurat (Thai: เม็ดเงิน 3เคแบตเตอรี่; namundag Hulyo 12, 1978 sa Roi Et, Tailandya) sarong propesyonal na boksyador sa Tailandya.
Si Sangsurat dakul na pangaran dinadara, arog kan Medgoen Kratingdaenggym (Thai: เม็ดเงิน กระทิงแดงยิม) asin Medgoen Lukjaopormahesak (Thai: เม็ดเงิน ลูกเจ้าพ่อมเหศักดิ์), dawa totoo an tunay niyang pangaran Boonsai Sangsurat (Thai: บุญใส สังสุราช). Sa bakong-Thai na media bisto siyang Medgoen Singsurat, 3K Battery sa mga Filipino o apod sana "Medgoen Singh".
Karera sa Boksing
[baguhon | baguhon an source]Si Medgoen kalawiteng boksyador na nagin pro kan 1997 asin kan 1999, nasikwit an kampeonato sa WBC Flyweight kan madaog niya an Filipinong boksingero na si Manny Pacquiao. Huli sa pangganang ini, pirmeng nasasambit an pangaran niya sa mga laban ni Pacquiao ta saro siya sa tolo pa sanang nakadaog igdi. Siya man sa duwang kalaban na talagang nakabungaw ki Pacquaio. Naknockout niya si Pacquiao sa ikatolong hornada sa dose kutang hornadang laban.
Ipiglaban ni Medgoen an kapot na titulo kontra ki Malcolm Tunacao kan 2000 pero nadaog siya (TKO) asin naagaw an korona saiya.
Si Medgoen pig'aalag kan Thai Storage Battery Public Company Ltd. kaya dara niya an titulong 32k Battery sa mga laban ta an kompanyang ini nagkokontrata nin mga boksingero sa tuyong pagtolod kan produkto kaini.
Si Medgoen Singsurat pamilya nin mga paraboksing, mala ta an ikaduwang pinsan niya si Saranyoo Tohchoodee, namundag Abril 18, 1991, sa Tailandya, saro man na boksyador bago binutsan an propesyon ta naghubong Amerika kaiba an tugang na babae. Nano'dan ni Medgoen an kaliwiteng pagboksing sa saiyang pinsan na ini asin sige siya sa pagboksing dara na logod an pangaran na Saranyoo "Street King" Tohchoodee, sagkod na mag'edad na 13. Pero nagpoon siyang pagtais sa pagboksing sa edad sanang anom na taon. Kadaklan kan mga laban niya ginibo sa laog mansana kan Tailandya asin ini pinapasale sa Blow by Blow, sarong pambangging programa pinapasale sa TV. An rekord niyang propesyonal na 74-6-0 pambihira, asin napapalaen igdi sa Sur-subangan na Asya. Sa gana niya, 51 an naknockout niya alagad sa daog niyang 6, anas siya igdi nabungaw.
Sa Luwas nin Pagboksing
[baguhon | baguhon an source]Saro man siyang soccer prodigy na kuta makawat sa Thailand national team kun dai nabarian sa tohod sa sarong pagkawat asin dai na naulean na husto pero daa nagin man siyang maray na parakawat sa pingpong mala ta rinanggo siyang ika-duwa sa pinakamaray na parakawat igdi sa Tailandya.
Mga panluwas na takod
[baguhon | baguhon an source]- http://boxrec.com/list_bouts.php?human_id=007133&cat=boxer Rekord sa boksing ni Medgoen Singsurat
