Mekhela chador

Gikan sa Bikol Sentral na Wikipedia, an talingkas na ensiklopedya
An Sarong babayeng Assam na nagsusulot nin gubing na mekhela sador asin phut (bindi) sa kan saiyang angog
Sa display, sarong pakamot na hinabol na mekhela chadawr sa pat silk na naglaladawan kan maganyon pattern kan wildlife sa Kaziranga

An Mekhela Sador (Assamese: মেখেলা চাদৰ, translit. Mekhela Sadowr) sarong katutubong tradisyonal na badong Assam na tradisyonal na sinusulot kan mga babayeng Assam.[1][2]

Draping[baguhon | baguhon an source]

Igwang duwang panginot na pidaso nin tela na nakatabing sa lawas.

An irarom na parte na nakabugkos gikan sa abay pababa iyo an inaapod na mekhela (Assamese: মেখেলা). Saro ining halawig na silindrikal na pidaso nin tela na nakatiklop sa saro o duwang kurô tanganing magkasya sa abay asin nakasukbit. Nakatiklop an mga kuro o pleat sa tuo asin komon mas kadiit an bilang kumpara sa mga kuro kan Saree, na nakatiklop sa wala asin may kadakol na mga koro. Dai nuarin man piggagamit an mga pisi tanganing ibugkos an mekhela sa abay, dawa na parati na piggagamit an suon o underskirt na may pisi.

An tuktok na parte kan duwang pidasong gubing, na inaapod na chador (pigsasayod: Sador), iyo an sarong halabang pidaso nin tela na may sarong puro na nakasuksok sa itaas na parte kan mekhela sa itaas kan pusod asin nakapatos an natatada sa daghan asin likod. An balyong puro kan chador, nakasuksok sa tulak pagkatapos maggibo nin pieang kuro. An sarong kinagan na blusa parati na isinusulot sa Mekhela chador. Susog sa kaugalian, sa nakaagi, saro pang kasulotan an inaapod na riha an isinusulot bilang sarong chador o bilang sarong panlaog na pidaso sa ibaba kan chador. An sarong riha isinusulot pa nanggad bilang parte kan Assamese bridal trousseau asin kung minsan, mahihiling an mga tawong nakasulot sa mga katutubong tradisyonal na pangyayari arog kan Bihu asin iba pang mga pagdiriwang kan Assam.

Mga materyales sa paghabol[baguhon | baguhon an source]

Ginibo an mga tradisyonal na mekhela chador gikan sa mga minasunod na materyales:

An pirang modernong set na may hababang badyet, ginibo man gamit an manlainlain na timpla kan gapas asin sutlang muga o pat na may mga sintetikong materyales.

Pagkakaigwa[baguhon | baguhon an source]

An mekhela chador, igwa sa kadakol na tindahan sa Guwahati asin iba pang mga syudad kan Assam. Igwa man an mga ini sa paagi kan manlainlain na mga websityo.[3][4][5][6] Halangkawon an demand para sa purong pat sa mga parabakal. An Mekhela Chador nin Pat asin polyester an nangingibabaw sa merkado. Alagad hababa an demand kan Muga, ‘bulawan na sutla kan Assam' nin huli ta sa halangkaw na presyo kaini aain pagkakaigwa ninbmga panribay arog kan tassar na haros kapandok kan orihinal na sutlang Muga.[7]

Hilingon man[baguhon | baguhon an source]

An Wikimedia Commons igwa nin medya dapit sa Mekhela chador.

Mga pinagkuanan[baguhon | baguhon an source]

  1. ↑ Sharma, M. B. (2005). Silk Mekhela Chador–A traditional dress of Assamese women. Indian Silk, 44(5), 26-29.
  2. ↑ Brahmachary, S. (2016). IMPERIALISTIC ASSAM: AN ANALYSIS OF CULTURAL IMPERIALISM IN ASSAM. Regional Cooperation Newsletter-South Asia July-September, 2016, 10.
  3. ↑ "Mekhela Chador". Archived from the original on September 26, 2013.  Unknown parameter |url-status= ignored (help)
  4. ↑ "Mekhela Chador". Assam Silk Shopping. Archived from the original on April 5, 2015. Retrieved April 5, 2015. 
  5. ↑ "Mekhela Chador". Rajmati Sarees. Archived from the original on April 5, 2015. Retrieved April 5, 2015. 
  6. ↑ "Mekhela Chador". Sri Sai Tex Art. Archived from the original on 2013-03-09. Retrieved April 5, 2015.  Unknown parameter |url-status= ignored (help)
  7. ↑ Aggarwal, A., Sharma, A., Tripathi, A., Wadhawan, A., Chongtham, E., Gupta, H., ... & Bhardwaj, R. Static or Dynamic-The Analysis of Handloom Industry of Assam.

Mga panluwas na takod[baguhon | baguhon an source]

Kinua sa "https://bcl.wikipedia.org/w/index.php?title=Mekhela_chador&oldid=270376"