Melanie Silgardo

Gikan sa Bikol Sentral na Wikipedia, an talingkas na ensiklopedya

Si Melanie Silgardo (namundag 1956) sarong Indyanong pararawit asin editor na gikan sa Goan na sa presente nag-iistar sa London.

Biograpiya[baguhon | baguhon an source]

Siya pinadakula kan mga magurang na Katolikong Goan sa Bombay, Maharashtra.

Siya nag-adal sa irarom ni Eunice de Souza asin naging saro sa mayor na manrarawitdawit sa Ingles na tataramon sa Indya kan mga 1970.

Kaiba an mga kapwa poeta na sinda Santan Rodrigues asin Raul D' Gama Rose, siya nagpatugdas kan Newground na kooperatiba na nagpublikar kan saindang mga gibo.

Habang siya nag-aadal sa London, saiyang ipinublikar an Skies of Design kan 1985, na nanggana sa Asian Section of the Best First Book Commonwealth Poetry Prize.

Hanggang sa katawahan kan 1990, nagtrabaho siya sa feministang Virago Press bago maglipat sa creative writing asin pagtukdo.[1][2][3]

Edukasyon[baguhon | baguhon an source]

Namundag kan 1956 sa Bombay, siya nag-adal Ingles sa St. Xavier's College sa saindang syudad, asin naggradwar kan 1976.

Nakakua siya nin M.A. sa Literaturang Ingles hali sa Unibersidad kan Mumbai sa taong 1978. [1]

Mga Gibo[baguhon | baguhon an source]

An saiyang mga inot na gibo naipublikar sa Three Poets - Melanie Silgardo, Santan Rodrigues, Raul d' Gama Rose (1978).[3]

Kan 1985, mantang nag-aadal sa London College of Printing, nagpublikar siya nin ikaduwang koleksyon nin mga tula, Skies of Design, na nanggana kan Asian award sa irarom kan Best First Book Commonwealth Poetry Prize. [1][4]

Sa huring parte kan dekada 1980 sagkod katahawan kan mga-1990, siya nagtrabaho bilang commissioning editor para sa feministang Virago Press kun sain nagkonsulta siya sa mga kliyente nin kolor asin nagmukna nin dakulang koleksyon kan mga kontribusyon kan mga babaying Arabo sa pagsurat sa Ingles na tataramon sa Open of the Gates (1980).

Kan 2012, kaiba si de Souza, siya nagliwat nin antolohiyang These My Words: the Penguin Book of Indian Poetry.

Maski ngani dai na siya nagpublikar nin tula, kinokonsidera pa nanggad na dakula an saiyang ambag sa pagsuporta sa mga rawitdawit kan mga kababaihan, bako sanang para sa sadiri niyang mga gibo kundi huli sa interes na ipinahiling niya sa mga surat kan kababayihan. [2]

Mantang si Silgando nagsusunod sa kay Eunice De Souza, mas madahas nanggad an saiyang mga tula, arog kan mahihiling sa saiyang tulang "Bombay", na inaatake an pag-uswag kan siyudad. [5][6]

Si De Souza mismo nagsasabi na an mga tula ni Silgaro "emosyonal namarhay pero dai man sobra." [7][8]

Hilingon man[baguhon | baguhon an source]

Mga Toltolan[baguhon | baguhon an source]

  1. ↑ 1.0 1.1 1.2 Sur, Sharanya (March 2016). "The Third Generation: Melanie Silgardo and Manohar Shetty". A History of Indian Poetry in English. Cambridge University Press. pp. 328–344. doi:10.1017/CBO9781139940887.022. ISBN 9781107437265. Retrieved 1 October 2020. 
  2. ↑ 2.0 2.1 Bethala, Melony (June 2015). "Poetry Communities and Indian Womanhood". Verbal Arts Centre, Londonderry. Retrieved 1 October 2020. 
  3. ↑ 3.0 3.1 "The Modern Poets and their Background" (PDF). Shodh Ganga. Retrieved 1 October 2020. 
  4. ↑ Papke, Renate (2008). Poems at the Edge of Differences: Mothering in New English Poetry by Women. Universitätsverlag Göttingen. pp. 72–. ISBN 978-3-940344-42-7. 
  5. ↑ "Bombay, Melanie Silgardo". Poetly. 30 August 2020. Retrieved 1 October 2020. 
  6. ↑ Thayil, Jeet (2008). The Bloodaxe Book of Contemporary Indian Poets. Bloodaxe. ISBN 978-1-85224-801-7. 
  7. ↑ "Defining Modern Indian Poetry in English" (PDF). Shodh Ganga. Retrieved 1 October 2020. 
  8. ↑ Singh, Kanwar Dinesh (2004). Feminism and Postfeminism: The Context of Modern Indian Women Poets Writing in English. Sarup & Sons. pp. 99–. ISBN 978-81-7625-460-1. 
Kinua sa "https://bcl.wikipedia.org/w/index.php?title=Melanie_Silgardo&oldid=267776"