Metro Naga Sports Complex
An Metro Naga Sports Complex sarong estruktura sa Barangay Pacol, Siyudad nin Naga na nalaklak sa sampolong ektaryang espasyo kun saen pwedeng gibohon an mga aktibidad asin kasibotan sa isports. Igwa ini nin mga pasilidad arog kan rubberized track oval na 400 metro sa libot, grandstand na natukaw 15,000 katawo, baseball court, softball field asin tennis court. Igwa man ini nin mga air-conditioned asin ordinaryong mga kwartong paarkilahan. Sa atubangan kan Complex mahiwas an paradahan nin mga behikulo asin an kabanga kan sirong kan grandstand kaini gamit kan Naga City Children's Home. Igwang dakulang swimming pool, sukol sa Olympikong langoyan, ini alagad sa presente dai pinapagamit huli gayod sa gasto sa operasyon.
Pigtugdok kan taon 1997, ini nagamit na sa Palarong Pambansa kan mga taon 1997, 2004 asin 2007. Siring man kan 1999, igdi man ginibo an Palarong Bicol.[1]
Mga panluwas na takod[baguhon | baguhon an source]
- An Metro Naga Sports Complex Archived 2014-04-09 at the Wayback Machine. kinua 11-05-13
Toltolan[baguhon | baguhon an source]
- ↑ http://naga.gov.ph/ecological-profile/social-development/sports-and-recreation/ Archived 2014-04-09 at the Wayback Machine. kinua 11-05-13
