Jump to content

Mga Gerilyang Grupo sa Bicol Laban sa Hapon kan Ikaduwang Gerang Pankinaban

Magdagdag nin link
Gikan sa Bikol Sentral na Wikipedia, an talingkas na ensiklopedya

An Mga Gerilyang Grupo sa Bicol na nakipaglaban sa pwersang Hapon kan ini naglaog sa Kabikolan nag'aabot sa bilang na 5,645 katawo abot 5,900 sa lawig kan apat na taon (1942-45) nin pagsakop kan Hapon igdi sa Filipinas. Alagad an pinakaenot na nabilog sa resistensya iyo an Vinzon's guerillas sa pamamayo ni Wenceslao Vinzons na natogdas kan Desyembre 18, 1941, ikapitong aldaw sana kan an Hokbong Hapon naglaog sa banwaan kan Legazpi kan Desyembre 11, 1941. Tinatayang may kaapil an grupo nin apat na gatos (400) na gerilya sa kadakuli.[1]

Susog ki Baclagon, an mga gerilya natitipon sa sampolong grupo warak sa kahiwasan kan ronang Bicol. Sa Camarines Norte yaon an Vinzon's Guerillas (350-400) asin Mate's Guerillas (75-100); sa Camarines Sur, natogdas an Camp Isarog Guerillas (350), Tangcong Vaca Guerillas (300), asin an Camp Tinawagan Guerillas (150); sa Albay naorganisar an Zabat's Bicol Free Forces (800-1000), Bagong Katipunan (200), Sandico's 55th Regiment (400); asin sa Sorsogon, nag'operar an Lapus' 54th Infantry (1,500), asin an Gov. Escudero's Unit (1,500).[2]

An mga gerilya sa Bicol nanotaran sa G-2 Report kan General Headquarters, SWPA na iyo an daing toltol na organisasyon, dai burunyog, nag'ooro-iriwal, asin mayong koordinasyon mala ta sabi sa Report an Bicol iyo daa an "pinaka bakong productivo" asin anoman na intelligence maguno igdi "inferior" an halaga kumpara sa ibang distrito nin mga gerilya sa Filipinas. Mala daa ta an Ika-5 Distrito Militar na masakop kuta sa enterong rehiyon Bicol dai nabilog huli kan pagkaparasa' kan mga gerilya igdi.[3]

Totoo, lambang gerilyang grupo dai masasabi na mayong kamugtakan ta an mga ini nagin dakulang kulog-payo sa pwersang Hapon ta daing-ontok sinda sa pag'ataki, pagsakyada asin paghipa sa mga Hapon na soldados arog kan pag'agaw kan Daet asin Naga kan mga gerilya sa kamot asin kontrol kan Hapon asin an mga pakipagbokbokan kaini arog kan nangyari sa Tagilid Pass kun saen nagadan sobra sa 200 na Hapon kabali na diyan an pagkagadan ni Koronel Susumo Takechi. Igdi 67 sanang gerilya kan Tancong Vaca Guerilla Unit an nag'abang asin naghipa sainda. [4]

Toltolan

[baguhon | baguhon an source]
  1. ↑ Baclagon, Uldavico, S. Col. The Philippine Resistance Movement Against Japan. Published under sponsorship of the Veterans Federation of the Philippines. Manila, Philippines. 1966. p. 345.Kinua 27-04-17
  2. ↑ Baclagon, Uldavico, S. Col. The Philippine Resistance Movement Against Japan. Published under sponsorship of the Veterans Federation of the Philippines. Manila, Philippines. 1966. p. 345.Kinua 27-04-17
  3. ↑ Baclagon, Uldavico, S. Col. The Philippine Resistance Movement Against Japan. Published under sponsorship of the Veterans Federation of the Philippines. Manila, Philippines. 1966. p. 345.Kinua 27-04-17
  4. ↑ Barrameda, Jose, Jr. In the Crucible of an Assymetrical War in Camarines Sur 1942-1945. The Story of the Tancong Vaca Guerilla Unit. p.44-46. National Historical Institute. 2007. ISBN 978-971-538-205-2 Kinua 27-04-17
Kinua sa "https://bcl.wikipedia.org/w/index.php?title=Mga_Gerilyang_Grupo_sa_Bicol_Laban_sa_Hapon_kan_Ikaduwang_Gerang_Pankinaban&oldid=220289"