Mga Nirukitdukit

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Mga Nirukitdukit
NasyonFilipinas
TataramonBikol Sentral
GenreAntolohiya
Taon kan publikasyon
2005
Klase nin mediaImprenta
Si Estelito Jacob mantang nagbabasa kan saiyang rawit sa sarong okasyon kan Sumaro sa Salog

An Mga Nirukitdukit: Mga Rawit-dawit sa Bikol, sarong librong ipigsurat kan Bikolanong parasurat na si Estelito B. Jacob. Ini naipublikar gikan sa pondo asin espwerso kan National Commission for Culture and the Arts and the Authors kan taon 2005. Ini kabali sa The UBOD New Authors Series, proyekto kan National Committee on Literary Arts sa laog kan taon 2001 hasta 2004. Si Marne L. Kilates an nagsurat kan introduksiyon para sa librong ini ni Jacob na igwa man nin titulong "Nirukitdukit: Say Goodbye to 'Local Color'". Sa paenot na tataramon ni Jacob, inako nya na dai man kuta na magkakaigwa nin siring na libro, "Dai ko hinuna na magkakaigwa ako nin 'mga nirukitdukit'. Kun babalikan ko an sakong mga agi-agi, mangangalas an kadaklan na bakong pagsurat an sakong enot na namotan." Alagad, anu paman, nagkaigwa nin 31 na rawitdawit an katipunan nyang ini. Kaayon man digdi an saro sa pinakabantog nyang rawit na igwa nin titulong "Pinagrok". An rawit na ini nagi man nin titulo kan saiyang saro pang libro, "Pinagrok : mga piling rawit-dawit" (Ateneo de Naga University Press, c2014) asin ini nagkaigwa pa nin animated adapatation. Pirmi man ining marurumdoman huli ta pirmi ining kaayon sa poetry performance kan awtor kada beses na igwa nin pagtiripon manungod sa pagpatalubo kan literaturang Bikolnon.

Toltolan[liwaton | liwaton an gikanan]

  • Jacob Estelito, Mga Nirukitdukit, Mga Rawit-dawit sa Bikol, National Commission for Culture and the Arts and the Authors, 2005