Mikhail Gorbachev

Gikan sa Bikol Sentral na Wikipedia, an talingkas na ensiklopedya
Mikhail Sergeyevich Gorbachev
Михаил Сергеевич Горбачёв
Presidente kan Unyong Sobyet
Termino
15 Marso 1990 – 25 Disyembre 1991
Prime Minister Nikolai Ryzhkov
Valentin Pavlov
Ivan Silayev
Bise Presidente Gennady Yanayev
Suminunod ki Andrei Gromyko
Sinundan ni Boris Yeltsin bilang pangulo kan Rusya
Personal na mga detalye
Kamundagan (1931-03-02)2 Marso 1931
Kagadanan 30 Agosto 2022(2022-08-30) (edad 91)
Partido politikal Partido Komunista kan Unyong Sobyet (1950–1991)
Partido Demokratikong Lipunan kan Rusya (2001–2004)
Union of Social Democrats (2007-2013)
Agom Raisa Gorbachyova (d. 1999)
Mga aki 1
Alma mater Unibersidad Estatal kan Mosku
Trabaho Abogado
Lagda

Si Mikhail Sergeyevich Gorbachev (Ruso: Михаил Сергеевич Горбачёв [mʲɪxɐˈil sʲɪrˈɡʲeɪvʲɪtɕ ɡərbɐˈtɕof]; namundag, Marso 2, 1931) iyo an dating ika-7 asin ultimong Sekretaryo Heneral kan Partido Komunista kan Unyon Sobyet, nagserbi poon 1985 abot 1991. Siya man an ultimong pamayo kan estado kan USSR, nagserbi poon 1988 asta kan nagrampaog na ini kan taon 1991. Siya sana an lider Sobyet namundag pakalihis na kan Oktubreng Rebolusyon nin 1917. Kan taon 1989, siya nataon an enot asin ultimong lider Sobyet na nakabisita sa Tsina poon kan nagkabiyang an duwa kan mga taon 1960.

Kaamayi kan buhay[baguhon | baguhon an source]

Si Gorbachev namundag sa Stavropol Krai sa sarong pobreng Ukrano-Rusong pamilya, asin kan hagbayon siya nag'operar nin makinaryang pang'ani sa omang kolektiba. Naggraduar siya sa Moscow State University kan 1955, na abogasya an kinua. Kan yaon siya sa unibersidad, nag'ayon siya sa Partido Komunista kan Unyon Sobyet asin nagin aktibo siyang marhay igdi.

Bilang politiko asin lider[baguhon | baguhon an source]

Kan 1970, nanombrahan siyang Enot na Partidong Sekretaryo kan Stavropol Kraikom, Enot na Sekretaryo kan Suprema Sobyet kan 1974, asin nanombrahan kaapil kan Politburo kan 1979. Sa laog kan mga taon na nagadan an mga lider na Sobyet na sa Leonid Brezhnev, Yuri Andropov, asin Konstantin Chernenko, si Gorbachev napili na Sekretaryo Heneral kan Politburo, taon 1985. Siya totoo an nasasambit sa mga peryodikong Solnopan na garo iyo na an masakat na bagong lider hale sa bagong henerasyon.

An mga pag'ngata' ni Gorbachev sa reporma asin mga lakdang niyang magkitrato ki Presidente Ronald Reagan kan Amerika paagi nin mga kumperensya, saka an reorentasyon kan direksyon estratihiya kan Unyon Sobyet nagtaong dalan sa pagtapos kan inaapod na 'Cold War'. Dai naghaloy, huli sa mga siring na pangyayari, an pangngimbabaw sa pulitika kan Partido Komunista nagpawara, na iyo man an kawsa pagkatunaw kan Union Sobyet. Siya nagawaran kan Premyo Nobel sa Katoninongan kan taon 1990.

Pagkagadan[baguhon | baguhon an source]

Si Gorbachev nagadan sa Central Clinical Hospital sa Mosku kan 30 Agosto 2022,[1] sa edad na 91.[2] Siya nagadan pag'ayaw nin "halawig asin natnat na kahelangan", susog sa hospital, na siya yaon sa irarom nin daing pundong pagmato nin mga doktor poon pa kan taon 2020.[3][4][5] Uyon sa saiyang kabo'tan, si Gorbachev ilulubong sa Sementeryo Novodevichy kataid kan saiyang agom na si Raisa, na nagadan kan taon 1999.[6][7]

Si Gorbachev iyo an pinakahalawig sa paggurang na lider sa historya kan Rusya, asin nalampasan niya si Alexander Kerensky saka idtong lider nominal kan USSR na si Vasily Kuznetsov, na pareho nag'abot edad na 89 taon.[8]

Mga panluwas na takod[baguhon | baguhon an source]

Toltolan[baguhon | baguhon an source]

  1. Ljunggren, David (30 August 2022). "Last Soviet leader Gorbachev, who ended Cold War and won Nobel prize, dies aged 91". Reuters (in English). Archived from the original on 30 August 2022. Retrieved 30 August 2022.  Unknown parameter |url-status= ignored (help)
  2. "Mikhail Gorbachev, who steered Soviet breakup, dead at 91". The Associated Press. 30 August 2022. https://apnews.com/article/russia-ukraine-mikhail-gorbachev-obituaries-5cb7a604243668f08dfaed953c09559e. 
  3. Lister, Tim (30 August 2022). "Mikhail Gorbachev, Soviet president who took down the Iron Curtain, dies". CNN. Archived from the original on 30 August 2022. Retrieved 30 August 2022.  Unknown parameter |url-status= ignored (help)
  4. "Источник: ухудшения здоровья Горбачева нет" [Source: no deterioration in Gorbachev's health]. TASS (in Russian). 20 June 2022. Retrieved 30 August 2022. 
  5. Вишнева, Светлана (20 June 2022). "Представитель Горбачева подтвердил наличие проблем с почками у политика". radiokp.ru (in Russian). Retrieved 30 August 2022. 
  6. Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na :0
  7. "Горбачева похоронят рядом с супругой на Новодевичьем кладбище". РЕН ТВ (in Russian). 30 August 2022. Retrieved 30 August 2022. 
  8. "Горбачев стал самым долгоживущим российским правителем". Ruposters.ru (in Russian). Retrieved 30 August 2022.