Milan Kundera

Milan Kundera
Kundera in 1980
Minundagan	(1929-04-01)1 Abril 1929 Brno, Czechoslovakia
Kagadanan	Paris, France
Kasibotan	Novelist
Pagkahimanwâ	Czechoslovakia (until 1979) Stateless (1979–1981) France (from 1981) Czech Republic (from 2019)
Alma mater	Charles University Academy of Performing Arts in Prague
Sadiring-tawo	Ludvík Kundera (cousin)
Lagdâ

Si Milan Kunda (1 Abril 1929 - 11 Hulyo 2023) sarong nobelistang Czech asin Pranses. Pigsasalak nya sa saiyang mga gibo an makangising erotika, kritisismong politikan , asin pilosopikal na espikulasyon. Na-exile si kundera kan 1975 sa Pransia asin nakakua nin citizenship kan 1981. An saiyang citizenship sa Czechoslovakia pigrebokar kan 1979, alagad siya tinawan nin Czech citizenship kadtong 2019. 

An pinaka-bistong gibo ni Kundera iyo an The Unbearable Lightness of Being. Bago an Rebolusyon Velvet kan 1989, ipinagbawal kan namamahalang Partido Komunista kan Czechoslovakia an saiyang mga libro. Nabuhay sya nin ordinaryo asin bihirang makipag-ulay sa media. Pinaghihiling siya bilang sarong posibleng magdaraog kan Nobel Prize sa Literatura, asin nominadong man sa iba pang mga onra.

Si Kundera ginawaran kan Jerusalem Prize kan 1985, kan Austrian State Prize for European Literature kan 1987, asin kan Herder Prize kan 2000. Kan 2021, inako nya an Golden Order of Merit hali sa presidente kan Slovenia, si Borut Pahor.

Si Milan Kundera ipinangaki kan 1 Abril 1929 sa Purkyňova 6 (6 Purkyně Street) sa Královo Pole, sarong distrito kan Brno, Czechoslovakia (ngunyan na Czech Republic), sa sarong pamilya na may katamtaman na antas kan sosyedad. An saiyang ama na si Ludvík Kundera (1891–1971) sarong importanteng Czech musicologist asin pianistang nagserbi bilang pamayo kan Janáček Academy of Music and Performing Arts sa Brno haloy kan 1948 sagkod 1961. An saiyang ina na si Milada Kunderová (apelyido kan pagkabinata: Janošíková) sarong edukador. Nagadan an saiyang ama kan 1971, asin an saiyang ina kan 1975.

Nanudan ni Kundera an pagtugtog nin piano hale sa saiyang ama asin huri nagtukdo sya nin musicology asin komposisyon musikal. Mababasa an impluwensiya kan musicology, mga reperensiya, asin notasyon musikal sa bilog niyang mga sinurat. Pinsan man nya an Czech na parasurat asin tagasalin na si Ludvík Kundera. Kan saiyang kahubinan, na sinusuportahan kan saiyang ama sa edukasyon musikal, tinest nya an saiyang kakayahan bilang kompositor. Saro sa saiyang mga maestro kan panahon na idto si Pavel Haas. Dai nagtrayumpo an saiyang pag-atubang sa musika ta dai nagin posible para sa saiyang ama na magpundar nin karera sa piano, banggi sa pagpilit kaining magtugtog nin mga piyesa kan modernistang Judiong kompositor na si Arnold Schoenberg.

Kan may edad na 18, nag-apod sya sa Communist Party of Czechoslovakia kan 1947. Kan 1984, ginreminis niya na “nahaling ako sa komunismo kapareho kan paghanga ko kina Igor Stravinsky, Pablo Picasso, asin sa Surrealism.”

Nag-atendar siya nin mga lektura sa musika asin komposisyon sa Charles University sa Prague, pero madali syang nagbalhin sa Film and TV School of the Academy of Performing Arts in Prague tanganing mag-adal nin pelikula. Kan 1950, pinahali siya sa partido. Pagkatapos nyang magtapos, pig-apod siya kan Film Faculty bilang lektor sa pandaigdigang literatura kan 1952. Pagkatapos kan Warsaw Pact invasion of Czechoslovakia kan 1968, nawara saiya an saiyang trabaho sa Film Faculty.

Kan 1956, nagpakasal man si Kundera sa unang beses sa parakanta nin operetta na si Olga Haas, aki kan kompositor asin saiyang maestro na si Pavel Haas asin kan doktor na may pinanggalingang Ruso na si Sonia Jakobson, na iyo an unang asawa kan linggwistang si Roman Jakobson.