Misrata
_-_fontana.jpg)
An Misrata (Arabe: مصراتة Mişrātah, Libyanong Arabe: [məsˤˈrˤɑːtæ]; pakasayod sa Ingles: /mɪzˈrɑːtə/), sinusurat man Misurata o, Misratah,)[1][2] sarong siyudad sa Distrito kan Misrata sa norte-solnopan kan Libya, namomogtak 210 km (130 mi) sa bandang subangan kan Tripoli sa may kosa kan Dagat Mediterraneo harani sa Rawis kan Misrata.
May populasyon na 550,000 (kabali na diyan an Bani Walid), an Misrata iyo an ikatolong pinakadakulang siyudad sa Libya, sunod sa Tripoli asin Benghazi. Ini an kabesera kan Distrito nin Misrata asin inapod na kabesera nin negosyo kan Libya. An pwerto yaon sa Qasr Ahmed.
Bilang parte kan Libyanong gera sibil 2011, an siyudad sinasabing nahulog na sa kamot kan mga rebelde. [3][4] An Batalya nin Misrata kan Pebrero 24, nasundan nin pagbobomba kan Marso 20 asin an mga pro-Gaddafing tangke nag'aabante palaog sa sentro kaini. Susog sa bareta sa BBC News an pwersa ni Gaddafi yaon sa aktong runoton an siyudad asin an mga soldadas kaini daing herak na nagpaparapambadil, ginagadan asin eneerido an mga sibilyan. Kan Marso 25 nabareta na an NATO nagpoon nang magbungsod nin misyon nin pambobomba asin an makuring pag'atake kan pwersa ni Gaddafi napasa' kaini dawa ngane igwang pang mga sniper nagigin problemang gayo. Sige pa an mangirhat na harong-sa-harong na ralaban alagad an tagataram ni Gaddafi kan Abril 23 an mga tropa niya maatras na sa siyudad. An siyudad pigdeklarang lungkas na kan Mayo 15.[5]
Mga panluwas na takod
[baguhon | baguhon an source]- Misurata Satellite View
- Misratah Page on Encarta Online (encarta.msn.com).( Archived 2007-09-07 at the Wayback Machine. 2009-11-01)
- Map of Misratah on the dynamic atlas of Encarta Online (encarta.msn.com). Archived 2007-09-07 at the Wayback Machine.
- Misratah dynamic map from Google Maps.
- Image from Misratah in the article from the Encyclopaedia of the Orient (lexiorient.com). Archived 2011-11-29 at the Wayback Machine.
Toltolan
[baguhon | baguhon an source]- ↑ "مصراتة: Libya". Geographical Names. Retrieved 2011-02-26.
- ↑ "Mişrātah: Libya". Geographical Names. Retrieved 2011-02-26.
- ↑ Gaddafi defiant as state teeters - Africa - Al Jazeera English
- ↑ BBC News (25 February 2011). Libyan crackdown 'escalates' - UN.
- ↑ "Gaddafi forces fire on crowd in Misrata - resident | Reuters". Archived from the original on 2020-11-28. Retrieved 2011-06-11.
