Mitolohiyang Griyego

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Rebulto ni Zeus, yaon sa Museo Pio-Clementino, Vatican

An Mitolohiyang Griyego iyo an kadamotan kan mga mito asin katokdoan kan mga soanoy na Griyego, manongod kan saindang mga diyos-diyos, mga heroe, an katalagahan kan kinaban, asin an kapo'ngalan asin kahulogan kan saindang mga kulto asin mga ritwal. Ini kabtang kan antigong relihiyon kan mga gugurang na Griyego. An mga iskolar sa modernong panahon inaadalan daa ini sa paghingoa na makataong paliwanag sa mga institusyon politikal asin relihiyoso kan Antigong Griyego asin an sibilisasyon kaini, asin man marorop an tunay na kahulogan sa pagmumukna nin mga mito.[1]

An mitolohiyang Griyego nahahayag sa mga dinamot na osipon sa lawig nin panahon asin man itinotokdo sa mga arte kan mga Griyego sa saindang mga ginuhit, mga pintura asin mga iskultura. Sa siring na mga istorya nasasambit an mga buhay-buhay, mga adbentura kan manlaen-laen na mga diyos asin mga diyosa, mga heroe, asin mga mampak mitolohikal. An mga uru-usipon na ini enot naglalakop sana sa paaging nguso bilang mga rawit-dawit o orog-orog; alagad, an mga katokdoan na ini sa mitolohiya nanono'dan na paagi kan literaturang Griyego.[2]

An pinaka'antigong ginikanan kan mga istorya yaon makukua sa mga epikong rawitdawit tinokda ni Homer, an "Iliad asin Odyssey", orog na sa Gerang Trojan asin an mga pinagbunga kan istoryang ini. Duwang rawit-dawit ni Homer, an Hesiod, Thegony, asin an Trabaho asin mga Aldaw, linalaman an osipon kan ginikanan kan kinaban, an pasurunod kan mga diosnon na mga hade, an pasurunod kan edad kan historya nin tawo, an kapinonan kan pagsarakit kan tawo, asin an pino'nan kan mga praktis sa pagsasakripisyo o pag'atang. Mga mito nasaray man sa mga naistorya sa mga Awiton ni Homer, sa mga pira-pidasong epikong rawitdawit na nagkatarada' pa, asin mga toklos kan mga para'istorya nin trahedya asin kan mga komedyante kan ika-5ng siglo BC na an saindang sinurat nasaray sa mga kasuratan kan mga iskolar asin mga makatta kan Panahon Helenistiko, asin sa mga dokumentong nati'mos sa Imperyong Romano, siring kan mga ginuhit ninda Plutarch asin Pausanias.[3][4]


Toltolan[liwaton | liwaton an gikanan]