Mustafa Abdul Jalil

Gikan sa Bikol Sentral na Wikipedia, an talingkas na ensiklopedya
Si Mustafa Abdul Jalil

Si Mustafa Abdul Jalil o Abdul-Jalil (Arabiko: مصطفى عبد الجليل‎, o ginuguhit man na Abdul-Jelil, Abd-al-Jalil, Abdel-Jalil, Abdeljalil o Abud Al Jeleil) (namundag, 1952) sarong LIbyanong pulitiko. Nagin siyang Ministro nin Hustisya (o, Sekretaryo kan General People's Committee) sa irarom kan administrasyon ni Koronel Muammar Gaddafi. Siya sinasabing lataw na gayo sa mga bareta na nagkokontra sa mga paglalapas sa mga deretsong pangtao nangyayari sa kun saen-saen sa banwang Libya. Kan 2011-ng Libyanong pag'aalsa, si Abdul Jalil nabisto komo iyo an Pamayo kan National Transitional Council na an kwartel yaon sa Benghazi asin ini nagkokontrol kan oposisyon asin kan mga lugar tumang sa rehimen ni Gaddafi. Sinasabi totoo na an saiyang pwesto kinukwestyon huli sa mga koneksyon niyang dati sa rehimen ni Gaddafi.

Karera[baguhon | baguhon an source]

Kan makagraduar na siya sa departamento nin Shari'a asin Ley sa lenggwaheng Arabe asin mga Adal Islamiko sa Unibersidad kan Libya kan 1975, si Jalil nagin katuwang kan "Secretary of the Public Prosecutor" sa Al Bayda, bago siya nanombrahan na hokom kan 1976.

Si Jalil nabistong hokom na an mga desisyon haros kontra sa rehimen, bago siya nagin Ministro nin Hustisya kan 2007. Kan Enero 2010 nagngata' siyang magdemitir asin binoses niya ini sa telebisyon nasyonal huli sa kapabayaan kan gobyerno na paluwason na sa kulongan an mga presong pulitikal. An saiyang pagdemitir dai inako. Alagad, kan siya ipadara sa Benghazi kan Pebrero 21, 2011 ngane makinegosyar sa mga rebelde na butsan an mga hostage kan rebelde siya logod an nagbaliktad asin nagkampi sa mga rebelde asin nag'anunsyo na nagbubutas na siya sa kargo bilang ministro. Siya an kenot'enoteng halangkaw na opisyal sa gobyerno ni Gaddafi an naggibo nin siring.

Nasasabi sa mga sekreto asin kasipikadong mga mensaheng diplomatiko kan E.U. na pinagwa'wa' kan websayt na Wikileaks, si Jalil bukas asin malomoy na makooperar sa pakitrato diplomatiko. An gobyerno ni Gaddafi nagsapaw sa payo niya nin papremyong kabangang milyon na dinar, mga 400,000 dolyar ini, matoklo' sana siya.

Toltolan[baguhon | baguhon an source]